Mali i Korabit, zemra e maleve shqiptare (Foto/Video)

Korabi është një nga malet më të larta të Evropës Juglindore, i cili shtrihet përgjatë kufirit të Shqipërisë dhe Maqedonisë. Vend i pasur me bukuri të rralla natyrore, me gurë, shkëmbinj dhe kullota të pafund i cili vizitohet nga shoqata të shumta alpinistësh të cilët arrijnë të ngjiten edhe deri në majën e tij, i cili ka lartësinë prej 2764 metrave.

Nga ana e Maqedonisë mund të udhëtohet deri në fshatrat e Rekës duke udhëtuar nga Gostivari e deri në disa prej këtyre fshatrave siç janë: Nistrovë, Bibaj, Zhuzhnjë, Rimnicë, Grekaj, Tanushaj, Nivisht si dhe në pjesën tjetër të Strazimirit, prej ku organizohen ngjitjet alpinistike çdo vit.

Vargmali i Korabit shtrihet mbi 40 kilometra në drejtimin veri-jug midis pjesës së poshtme të Drinit të Zi dhe lumit Radika. Korabi është i vendosur rreth trekëndëshit kufitar të Shqipërisë, Maqedonisë dhe Kosovës, në jugperëndim të maleve të Sharrit.

Korabi, përcjell Telegrafi Maqedoni, është një masiv shumë i thyer malorë dhe përbëhet kryesisht nga rreshpe gëlqeror të paleozoikut me strukturat në blloqe, si dhe disa shkëmbinj të dëmtuara prej gipsi të “Triasikut Permian”. Në anën perëndimore, mali bie thikë mbi muret shkëmbore.

Ana veriore përbëhet nga shkëmbinj të thepisur. Një lloj i kulmit të dyfishtë është Maja e Korabit I dhe II, që arrin lartësinë 2756 metra dhe është rreth 150 metra në veriperëndim të “Majës së Korabit” brenda territorit shqiptar.

Juglindja, duke pasur pak zona shkëmbore e ndajnë disa livadhe, të cilat arrihen shumë thjesht dhe herë pas here nga barinjtë me kopetë e tyre. Përveç “Majës së Korabit”, ka disa të tjera, pothuajse në të njëjtën kuotë lartësie. Në veri të majave binjake ka një numër të shumtë të majave tjera të paemëruara me kulla shkëmbore.

Disa qindra metra në jug është “Maja e Moravës”, e cila është në 2718 metra lartësi. Majat janë gërryer herë pas here nga tektonika radiale në formën e blloqeve që mund të vërehen në fund të “Luginës Radika” nga pala e Republikës të Maqedonisë. Këto blloqe herë pas here kanë shpatet të pjerrta që arrijnë deri në 500 metra lartësi.

Mali Korab është shtëpi për ujëvara spektakolare në luginën e sipërme të lumit “Përroi i Thellë”. Gjatë kohës së pranverës, ujëvarat arrijnë një lartësi prej mbi 130 metra, e cila i bën ato më të lartat në Maqedoni.

Kufiri shtetëror ndërpret majën më të lartë “Korabi i Madh”. Ngjitja nga pala e Republikës së Maqedonisë përfshin hyrjen në zonën kufitare Maqedoni-Shqipëri, për të cilën është e nevojshme leje e veçantë nga Ministria e Punëve të Brendshme e Republikës së Maqedonisë, edhe pse njerëzit rregullisht shkelin në Korab edhe pa të.

Mali i Korabit konsiderohet si një nga bukuritë e rralla natyrore që karakterizon malet shqiptare dhe duhet që patjetër të vizitohet që të mund të shikohen vlerat natyrore që posedon ky mal./Telegrafi/