Luajti kur ishte vetëm pesë vjeç në filmin “Titaniku”, Reece Thompson tregon se fiton akoma shumë para nga filmi (Foto)

Njëzet vjet më parë ‘Titaniku’ solli Kate Winslet dhe Leonardo DiCaprion në majë të Hollywoodit, por as aktorët e tjerë të filmit nuk shkuan keq.

Aktori Reece Thompson ishte vetëm pesë vjeç kur luajti një nga djemtë irlandezë që shfaqej me nënën dhe motrën e tij në një nga skenat më të bukura.

Ai fitoi 30 mijë dollarë për këtë rol, dhe për Bussines Insider, ai zbuloi se roli në këtë film i sjell atij ende fitime, nga 200 deri në 300 mijë dollarë në vit.

“Është e çuditshme, sepse nuk mendoj më për këtë. Kur të dalë një kontroll, unë vetëm mendoj, super, unë kam njëqind dollarë më shumë”, tha ai.

Ris është aktualisht 25 vjeç dhe është i angazhuar në menaxhimin dixhital për një vendpushim skish në Juti.

Ai pretendon se askush në familjen e tij nuk mund të imagjinonte që ‘Titaniku’ do të përjetonte një sukses të tillë.

“Doli të jetë një nga filmat më të famshëm në histori, gjë e cila është mjaft e çuditshme kur shoh pas, kur nëna ime thoshte: “Le ta bëjmë, edhe nëse filmi është i keq, do ta shohim atë. Së fundi, ai shpërtheu, kështu që ajo nuk mori një vendim të keq”, përfundon ai.

Gjatë fundjavës së parë të filmimit, në vitin 1997, filmi fitoi 28.6 milionë dollarë. /Telegrafi/