“Me lot në sy”: Ministri britanik shfaqet i emocionuar derisa sheh të moshuarën që po merrte vaksinën kundër COVID-19

Veshur me një bluzë me ‘Gëzuar Krishtlindjet’, zonja Margaret Keenan, e njohur si ‘Maggie’ për miqtë dhe familjen, mund të shihej duke buzëqeshur nën maskën e saj ndërsa infermierja May Parsons në University Hospital Coventry & Warwickshire i injektoi asaj vaksinën për COVID-19.

Zonja Keenan, e cila bëhet 91-vjeçe javën e ardhshme, është një ish-asistente e dyqaneve të argjendarive që doli në pension vetëm katër vjet më parë, përcjell Telegrafi.

Ajo ka një vajzë, një djalë dhe katër nipër e mbesa.

Lexo po ashtu Jepet vaksina e parë për coronavirus, fillohet nga një 90-vjeçare në Mbretërinë e Bashkuar

Ajo tha: ‘Unë ndihem kaq e privilegjuar që jam personi i parë i vaksinuar kundër COVID-19, është dhurata më e mirë e ditëlindjes sepse do të thotë që më në fund mund të kaloj kohë me familjen dhe miqtë e mi në Vitin e Ri”.

Në një lëvizje të parë botërore, që shefat e autoriteteve shëndetësore shpresojnë të shënojë ‘hapin e parë në rrugën e kthimit drejt normalitetit’, mijëra britanikë do të përveshin mëngët e tyre dhe të marrin një vaksinë të Pfizer, e cila është 95 për qind efektive.

Dhe Sekretari i Shëndetësisë së Britanisë së Madhe, Matt Hancock tha se ai kishte lot në sy ndërsa shikonte zonjën Keenan duke marrë vaksinën pas një viti 2020 të zymtë, përcjell Telegrafi.

Sipas tij, ngjarja e sotme shënon fillimin e ‘fushatës më të madhe të vaksinave në historinë e Mbretërisë së Bashkuar’:

Sekretari i Shëndetësisë Matt Hancock tha se ai shpreson që banorët e shtëpive të kujdesit të fillojnë të vaksinohen para Krishtlindjeve.

Gjithsesi, sekretari i Shëndetësisë, Matt Hancock u bëri thirrje njerëzve që të vazhdojnë t’u binden kufizimeve të vendosura për shkak të coronavirusit, pavarësisht përdorimit të një vaksine. /Telegrafi/