Lojtari i Bayernit mashtroi gjyqtarit dhe luajti pa pajisjet mbrojtëse, duke rrezikuar dëmtimin

Mbrëmë (e martë), në kuadër të xhiros së pestë të Ligës së Kampionëve, Bayern Munichu mposhti Paris Saint Germain me rezultat 1-0, dhe kështu arritën një fitore të rëndësishme në betejën për një vend në mesin e tetë më të mirëve dhe një vend në fazën e 1/8-tës në garën elitare.

Shënues i golit të vetëm në këtë ndeshje ishte Kim Min-Jae, e më pas u përfol shumë për sulmuesin Michael Olise, i cili për një arsye të pashpjegueshme vendosi të mashtrojë gjyqtarin dhe ta luajë ndeshjen pa pajisjet e detyrueshme.

Konkretisht, Olise ka hyrë në lojë në minutën e 72-të dhe ka luajtur pa mbrojtëse të këmbëve, të cilat futbollistët duhet t’i mbajnë nën çorapë për të mbrojtur këmbët nga goditjet e lojtarëve kundërshtarë.

Kur Olise ka hyrë në lojë, ka nxjerrë jashtë mbrojtëset, gjë që gjyqtari i katërt e ka vënë re menjëherë dhe e ka urdhëruar që t’i kthejë, por nuk u ndal me kaq.

Olise u fut në lojë me mbrojtësit, por vetëm 30 sekonda më vonë, ndërsa gjyqtari nuk po shikonte, francezi u afrua jashtë linjës dhe i hodhi mbrojtëset nga këmbët.

Deri në fund të lojës, Olise luajti pa mbrojtës kockash dhe rrezikoi një dëmtim të rëndë, gjë që fatmirësisht nuk ndodhi.

Olise foi chamado à atenção para meter as caneleiras, mas mal entra em jogo… 😅#DAZNChampions pic.twitter.com/z1AezDA1qk

— DAZN Portugal (@DAZNPortugal) November 26, 2024

Edhe mediat gjermane, si gazeta Bild, e quajtën këtë veprim të Olise të pafytyrë dhe të turpshëm.

Kujtojmë, Olise është vetëm 22 vjeç dhe mbërriti në Bayern këtë verë në një transferim të madh nga Crystal Palace, i cili arkëtoi 53 milionë euro si dëmshpërblim nga bavarezët.

Deri më tani, francezi ka shënuar 7 gola dhe ka regjistruar 4 asistime në 17 ndeshje këtë sezon. /Telegrafi/