Liverpooli rivalizon Interin për transferimin e Dybalas

Liverpooli thuhet se po përgatit një ofertë për argjentinasi Paulo Dybala nëse ai largohet nga Juventusi si lojtar i lirë në verë, megjithëse Interi mbetet favorit.

Ardhja e sulmuesit Dusan Vlahovic për 75 milionë euro përfshirë bonuset nga Fiorentina ngre pikëpyetje të mëdha për të ardhmen e numrit 10 të Juventusit.

Kontrata aktuale e Dybalas skadon më 30 qershor dhe ishte arritur një marrëveshje me vlerë 10 milionë euro në sezon, por Juve papritmas ndaloi dhe shtyu ri-negocimin deri pas afatit kalimtar të janarit.

Lexo po ashtu Juve po përgatitet për largimin e Dybalas?

Sulmuesi e bëri të qartë se nuk ishte i kënaqur me vendimin, duke ndjerë se nuk kishte besim tek ai dhe klubi po përgatitet të tërheqë pagën e rënë dakord, në vend që të ofrojë një shifër shumë më të ulët.

Tani mediumet Sportitalia dhe Tuttomercatoweb pretendojnë se Liverpooli është gati të sulmojë me një propozim të tyre për të marrë argjentinasin si lojtar të lirë në muajin korrik.

Ndërsa kontrata e tij po mbaron, Liverpooli mund të fillojë teknikisht negociatat me ish-lojtarin e Palermos.

Lexo po ashtu Agjenti Fulvio Valcareggi: Dybala do të kalojë nga Juventusi te Interi

Është raportuar se Dybala do ta vlerësonte destinacionin e Liverpoolit, pasi kishte refuzuar më parë Tottenham Hotspur.

Megjithatë, Interi mbetet favorit, pasi Dybala do të ribashkohej me ish-drejtorin e Juventusit, Beppe Marotta dhe do të vazhdonte karrierën e tij në Serie A. /Telegrafi/