Limaj: Nuk ka zhvillim më pozitiv se sa dëshmia e Vasfije Krasniqit në Kongresin Amerikan

Zëvendëskryeministri i Kosovës, njëherësh bashkëdrejtues i Delegacionit Shtetëror për Bisedime me Serbinë, Fatmir Limaj ka thënë se me platformën për bisedime me Serbinë, parashihet krijimi i një trupe ndërkombëtare, e cila do t’i hetonte krimet e kryera nga pushteti serb në Kosovë.

Në këtë drejtim, Limaj ka thënë se me lehte është të zgjerohet kompetencat e Gjykatës Speciale se sa themelimi i një Tribunali të ri për serbet.

Limaj ka se zgjerimi i kompetencave të kësaj gjykate do të nënkuptonte hetim të krimeve qe shteti serb ka kryer në Kosovë.

Kryetari i Nismës ka thënë se janë qindra masakra të cilat nuk janë hetuar. Ai thotë se i gjithë aparati shtetëror i Serbisë ka ardhur në një shkallë jo që të kërkojë falje për krimet në Kosovë, por po i mohojnë ato. “Tash po na bashkohen zërat atë që kemi kërkuar para 10 viteve, dhe sot në vendin tonë angazhimi parësor si elitë politike intelektuale e kushdo qoftë duhet të ndihemi të ofenduar kur drejtuesit e shtetit serb mohojnë gjithçka që ka ndodhur. Kosova institucionale deri tash ka qenë e pa interesuar me argumentu të kundërtën, kemi qenë pak zëra apo zëra familjar që jemi marrë më këto këta. Shpresoj që ka ardhur një moment. Rezoluta për dënimin e gjenocidit me iniciativën e Shefit Grupit Parlamentar të Nismës shpresoj që javën e ardhshme shkon në Kuvend”, ka thënë Limaj në një intervistë për RTV 21.

Në lidhje me identifikimin e personave që kanë kryer krime në Kosovë, Limaj ka thënë se Serbia ka pas Ligjin e luftës, pasi ka shpallur gjendje lufte në Kosovë dhe ka sqaruar se janë të gjitha shkresat zyrtare që dihen me emër e mbiemër të kryetarëve të komunave dhe të komandantëve të stacioneve të policisë, që të gjithë kanë udhëhequr krimet dhe spastrimin etnik në vend.

“Prej ministrit të Drejtësisë deri të drejtori i burgut, janë përgjegjës për krimin e kryer në Burgun e Dubravës. Dihet kush ka qenë komandant i kazermës ushtarake, dhe kush ka udhëhequr spastrimet etnike… Serbisë duhet t’i vihet kush integrimi në BE me dënimin e përgjegjëse të krimeve në Kosovë”, tha ai.

Më tutje, Limaj ka thënë se s’ka zhvillim më pozitiv për vendin se sa dëshmia e Vasfije Krasniqit në Kongresin Amerikan. Lima j ka falënderuar lobin shqiptaro amerikan dhe Eliot Engel.

“Shprehim mirënjohje, respektin dhe solidarizimin me znj. Vasfije, e cila askush më vështire se ajo se ka pas. Pastaj Ilir Bytyqin për dëshminë e tij”, ka shtuar Limaj.

Kryetari i Nismës ka thënë se shoqëria jonë i ka shumë borxh kësaj kategorie të njerëzve. Ai ka thënë se qysh në vitin 2001 në Kuvendin e Kosovës i ka dalë në mbrojte grave të dhunuara.