Libraria “Dukagjini” kremton 23 vjetorin e themelimit, vazhdon përkushtimin ndaj lexuesve 

Libraria “Dukagjini”, më 4 maj (e enjte), feston 23 vjetorin e themelimit.

Stafi i librarisë “Dukagjini” është krenar dhe i lumtur që për plot 23 vite, me përkushtim maksimal ka arritur t’i shërbejë lexuesve dhe klientëve të saj. Për këtë, libraria “Dukagjini” falënderon secilin person që e ka vizituar të paktën një herë librarinë “Dukagjini”. Për më shumë se dy dekada, ne kemi krijuar një komunitet të jashtëzakonshëm të libërdashësve, që librarinë tonë e kanë opsionin e parë për të kënaqur shijet e tyre të leximit.

Për nder të 23 vjetorit të themelimit të librarisë, “Dukagjini” ofron 23 për qind zbritje për të gjithë artikujt në librari dhe në website. Zbritja vlen edhe në librarinë tonë në shesh edhe në pikën e re në “Prishtina Mall”. Përveç kësaj, në të enjten e 4 majit në librarinë “Dukagjini” ju presin edhe befasi e shpërblime të tjera. Andaj, ju ftojmë që të bëheni pjesë e festës sonë.

Libraria “Dukagjini” është pjesë e korporatës me të njëjtin emër dhe është lider i kulturës së librit në Kosovë. Pika e saj në qendër të Prishtinës është kthyer në pikë të rëndësishme reference për identitetin urban të kryeqytetit, jo thjesht në një hapësirë për shitjen e librit, por në një pikëtakim të lexuesve, një arenë aktivitetesh kulturore e sociale dhe një institucion që ngjall dëshirën për librin dhe vlerat.

Libraria “Dukagjini” premton se do të vazhdojë rritën e saj, dhe do të mbetet përherë e përkushtuar në shërbim të kultivimit të kulturës së leximit në Kosovë.