Lewandowski dëshironte të bashkohej me Real Madridin përpara transferimit te Barcelona

Robert Lewandowski thuhet se ishte gati të transferohej te Real Madridi përpara se të vendoste për transferimin e tij te Barcelona në verë.

Ylli polak ka qenë në formë të bujshme që nga transferimi te Barcelona nga Bayern Munich verën e kaluar.

Marrëveshja ishte një rrezik, me 45 milionë euro të shpenzuara për një 34-vjeçar, por sulmuesi ka dëshmuar se dyshuesit kanë gabuar dhe ai po shkëlqen në Kataluni.

13 golat e Lewandowskit në ligë e kanë ndihmuar Barçën të jetë në krye të La Ligës, duke qëndruar tre pikë më shumë se Real Madridi.

Të dy skuadrat do të përballen në finalen e Superkupës së Spanjës, me polakun që do të startojë teksa synon trofeun e tij të parë me klubin katalunas.

Megjithatë, gjithçka mund të kishte qenë kaq ndryshe, pasi sipas mediumit Relevo, para lëvizjes së tij te Barcelona, ​​Lewandowski donte të bashkohej me Los Blancos.

Historia pre-Clásico: el primer club al que quiso ir Lewandowski después de que decidiese salir del Bayern fue el Real Madrid.

Lo cuento en @relevo https://t.co/JdXtwCk5Kx

— Picón (@JorgeCPicon) January 15, 2023

Në verën e vitit 2021, sulmuesi i kërkoi agjentit të tij të kërkonte një klub të ri, me Real Madridin që thuhet se ishte zgjedhja e tij e parë. Florentino Perez e refuzoi lëvizjen për shkak të moshës së lojtarit dhe formës së Karim Benzema.

Kjo do të thotë që Lewandowski qëndroi në Bayern edhe për një vit, përpara se të kalonte te Barcelona.

Sikur Perez të mos kishte refuzuar një marrëveshje, polaku mund të kishte veshur fanellën e bardhë të Real Madridit për ndeshjen e mbrëmjes së sotme. /Telegrafi/