E ardhmja e Robert Lewandowski te Barcelona mbetet ende e paqartë, mes spekulimeve për një largim të mundshëm nga “Camp Nou”.
Sipas Mundo Deportivo, sulmuesi polak preferon të qëndrojë te Barcelona edhe pas përfundimit të këtij sezoni.
Kontrata e tij skadon në fund të sezonit aktual, ndërsa kohët e fundit ai është lidhur me një kalim të mundshëm në Arabinë Saudite, MLS dhe Superligën turke. Megjithatë, prioriteti i Lewandowskit është vazhdimësia te klubi katalanas.
Madje, ai është i gatshëm të pranojë një ulje të konsiderueshme page dhe të marrë një rol dytësor në skuadër, në mënyrë që të qëndrojë pjesë e projektit të Barcelonës.
telegrafi.com
Presidenti i klubit, Joan Laporta, i rizgjedhur së fundmi, është gjithashtu i hapur për vazhdimin e bashkëpunimit me 37-vjeçarin, megjithëse ende nuk ka një vendim zyrtar.
Ndërkohë, agjenti i lojtarit, Pini Zahavi, pritet të zhvillojë bisedime me Laportën dhe drejtorin sportiv Deco për të diskutuar të ardhmen e sulmuesit.
Pavarësisht situatës së Lewandowskit, Barcelona po planifikon të investojë në një qendërsulmues të ri të profilit të lartë gjatë afatit kalimtar veror. /Telegrafi/
