LAJMI I FUNDIT:

Legjenda e Italisë, Cannavaro thotë se Juventusi i Mottas luan më keq se sezonin e kaluar me Allgerin

Legjenda e Italisë, Cannavaro thotë se Juventusi i Mottas luan më keq se sezonin e kaluar me Allgerin

Legjenda e Italisë, Fabio Cannavaro beson se Juventusit i duhet ‘kohë’ për t’u rindërtuar pasi ‘filloi nga e para’ verën e fundit duke punësuar Thiago Mottan dhe kjo është arsyeja pse ata aktualisht po përballen me ‘disa probleme’.

Bianconerët kanë barazuar nëntë nga 15 ndeshjet e Serie A, duke përfshirë tre të fundit radhazi, dhe janë pa fitore në tre ndeshjet e fundit të Ligës së Kampionëve, duke sugjeruar që trajneri i ri dhe nënshkrimet e reja, megjithëse disa prej tyre janë të lënduar, po marrin më shumë kohë nga sa disa prisnin të bënin.

Ish-mbrojtësi i Juventusit, Cannavaro pranoi se Zonja e Vjetër është “pak mbrapa” në krahasim me skuadrat e tjera të përfshira në luftën për titull, pasi po kalojnë një proces tranzicioni që gjithashtu i bën ata të luajnë edhe më keq se vitin e kaluar.


“Unë besoj se Juventusi ka disa probleme dhe është pak prapa. Por, edhe Interi ka nisur më pak mirë se sa pritej duke pasur parasysh skuadrën që ka. Dhe Napoli, nën drejtimin e Antonio Contes, po ecën mirë, megjithëse pengohen herë pas here: janë ende një punë në vazhdim”, ka thënë fillimisht Cannavaro në një intervistë për Tuttosport.

“Cilat janë problemet e Juventusit? Fakti që e nisën nga e para. Drejtor i ri sportiv, trajner i ri, shumë lojtarë të rinj: nuk është kurrë e lehtë”.

“Sepse rindërtimi kërkon kohë dhe Juventusit nuk i jepet gjithmonë ajo kohë, sepse sipas mendimit tim duhen tre vjet për të përfunduar projektin, por në vitin e dytë pa fituar në Torino, bëhet e vështirë”.

Megjithatë, Cannavaro këmbënguli se rezultatet aktuale nuk mund të vënë në pikëpyetje vlerën e Mottas dhe u bëri thirrje fansave të ‘kenë durim’ pasi nuk ka ‘rrugë të shkurtra’.

“Unë gjithashtu mendoj se kishte pritshmëri të mëdha për një futboll më spektakolar, por ndonjëherë ata luajnë edhe më keq se vitin e kaluar, kur njerëzit kritikonin rëndë Allegrin”.

“Megjithatë, Thiago është i mirë, ai po punon shumë, ne duhet të kemi durim, ju gjithashtu fitoni përmes një procesi dhe nuk ka rrugë të shkurtra”, përfundoi ish-mbrojtësi.

Skuadra e Thiago Mottas do të presë Manchester Cityn të mërkurën dhe një humbje do të grumbullonte presion të mëtejshëm mbi bardhezinjtë, të cilët kanë nevojë për pikë për të siguruar kualifikimin në fazën e grupeve të Ligës së Kampionëve, të paktën përmes rrugës së play-off-it. /Telegrafi/

Në trend Sport

Më shumë
Vedat Muriqi i bëri të gjitha: Shënoi autogol, humbi penalltinë dhe realizoi golin e fitores

Vedat Muriqi i bëri të gjitha: Shënoi autogol, humbi penalltinë dhe realizoi golin e fitores

La Liga
Konfirmohet lëndimi i rëndë i Anthony Joshuas

Konfirmohet lëndimi i rëndë i Anthony Joshuas

Boks
Messi nuk kishte asnjë dyshim kur përmendi idhullin e tij të futbollit, nuk është Maradona

Messi nuk kishte asnjë dyshim kur përmendi idhullin e tij të futbollit, nuk është Maradona

Ndërkombëtare

"Jam në gjendje ta lë futbollin për familjen" - Egzon Bejtullai tregon si e ndërpreu kontratën me klubin suedez shkaku i nënës

Ligat tjera
Hansi Flick flet për penalltinë e anuluar të Julian Alvarez kundër Real Madridit

Hansi Flick flet për penalltinë e anuluar të Julian Alvarez kundër Real Madridit

La Liga
Lionel Messi ka zbuluar se cili është goli i tij i preferuar në karrierë

Lionel Messi ka zbuluar se cili është goli i tij i preferuar në karrierë

Liga e Kampionëve
Kalo në kategori