Auditori i Përgjithshëm ka publikuar raporton e auditimit për pasqyrat financiare të Komunës së Ferizaj për vitin 2023.
Në këtë raport janë publikuar një varg shkelje dhe vërejtje në fusha të ndryshme, por gjithashtu janë publikuar edhe pasqyrat tjera financiare që sipas Auditorit kjo komunë pasqyron një pamje të drejtë financiare dhe të vërtetë në të gjitha aspektet materiale, në përputhje me standardet ndërkombëtare të kontabilitetit për sektorin Publik.
Rreth kësaj çështje kryetari i LDK-së në Ferizaj, Visar Azemi nëpërmjet një konference për media, ka thënë se gjetjet e Auditorit të Përgjithshëm në këtë raportor janë shqetësuese dhe gjendja nuk dallon aspak me vitet e mëhershme.
Sipas Azemit, nga ky raport rezulton se Komuna e Ferizajt vitin e kaluar ka bërë prezantim jo të saktë të detyrimeve të papaguara në PVF në vlerë prej 80 mijë eurove, pastaj prezantim jo të saktë të llogarive të arkëtueshme në PVF në vlerë prej 127 mijë e 975 euro.
“Po ashtu komuna ka bërë prezantim jo të saktë të detyrimeve kontigjente në PVF në vlerë prej 2,600,648 eurove, prezantim jo të saktë të të pasurive në PVF, për shkak të nënvlerësimit për 192,138 eurove, duke bërë që vlera e pasurive kapitale dhe jokapitale të mos jetë e shpalosur saktë në PVF dhe Keqklasifikim të shpenzimeve në kategori ekonomike në vlerë 787,464 eurove. Për t’u thelluar më tej, Komuna kishte hyrë në obligime kontraktuale në vlerë prej 2,326,548 eurosh pa fonde të mjaftueshme financiare”, ka thënë Azemi.
Sipas Azemit komuna e Ferizajt gjithashtu ka kontraktuar shërbime përmes procedurës së hapur të prokurimit me operator ekonomik privat për shërbime të cilat ofrohen nga ndërmarrjet publike komunale.
“Tutje Komuna e Ferizajt gjatë vitit 2023, nuk kishte regjistruar 31 të punësuar në listën e pagave, të cilët kishin kontrata të rregullta të punës. Derisa për shkak të vonesës në pagesën e detyrimeve financiare komuna ka paguar shpenzime shtesë në vlerë prej 254,260 euro në emër të procedurës kontestimore/përmbarimore apo interesit për pagesë të vonuar”, ka thënë më tej Azemi.
Ai ka sqaruar se ky raport i auditimit gjen se në dhjetë pagesa të testuar në vlerë prej 547 mijë e 842 euro, komuna ka përdor fondet nga projektet për qëllime tjera nga ajo për të cilin ishin planifikuar, pa i zbatuar procedurat dhe kriteret për transferim dhe rialokim të ndarjeve buxhetore nga një projekt kapital në një tjetër.
Sipas Azemit, evidentohen po ashtu marrëveshje ku janë shmangur procedurat e prokurimit dhe nënvizohet se si Komuna kishte financuar OJQ me vlerë prej 8 mijë e 526 eurosh duke iu shmangur thirrjes publike për financimin të OJQ-ve.
“Situatën më shqetësuese e bën edhe mungesa e progresit në zbatimin e rekomandimeve që janë dhënë pas auditimit të PFV-ve në vitin 2022. Në raportin e sivjetshëm theksohet, ritheksohen se në vitin 2022 Komunës së Ferizajt i ishin dhënë nga auditori plot 19 rekomandime. Por, nga to vetëm 6 janë zbatuar, kurse 13 jo. Pra, nuk janë zbatuar as 30% e rekomandimeve. Po flasim për një gjendje të përsëritur, për gjetje që nënvizojnë parregullësi financiare që dëmtojnë buxhetin e interesin qytetar. Derisa në anën tjetër kemi një barrikadim nga qeverisja komunale, që reziston t’i zbatojë rekomandimet dhe refuzon ta përmirësojë gjendjen”, ka thënë më tej ai.
Komuna e Ferizajt, nuk u është përgjigjur pyetjeve të Telegrafit lidhur me këtë çështje, madje zëdhënësi i saj Selim Marevci nuk ka qenë i qasshëm të hënën.
Kjo komunë përmes një letre dërguar auditorit të përgjithshëm të cilën e ka siguruar Telegrafi, midis të tjerash thuhet se ka pranuar draftin e këtij raporti dhe në afatet kohore do t’i përgjigjen me rekomandime.
“Brenda 30 ditëve nga pranimi i Raportit final, do t’ju dorzoj njëplan të veprimit për zbatimin e rekomandimeve, i cili do të përfshijë afatet kohore dhe stafin përgjegjës për zbatimin e tyre”, thuhet në letrën e kësaj komune. /Telegrafi/
Lufta Prigozhin - Putin
Më shumëNga Rubrika
Deklarata se një polic serb ishte dhëndër i Reçakut nxit reagime – iniciohet mbledhje e jashtëzakonshme e Kuvendit komunal në Shtime
Shëndetësia në Shtime në kaos, ndërrime të shpeshta të drejtorëve – kritikohet kryetari Qemajl Aliu
Komuna e Ferizajt nis procedurat për vlerësim të dëmeve nga breshëri
Pas lirimit të Assange, Wikileaks publikoi një dokument sekret të inteligjencës izraelite
Njihuni me mashtruesin më të madh të futbollit: Man City, Liverpool, Chelsea, Man United dhe kapja e ish-gruas së Henryt
Euro 2024 një "minierë ari" - ku shkojnë paratë, sa fitojnë federatat, klubet, lojtarët dhe gjyqtarët
Hovenier: Shqetësohemi kur Qeveria e Kosovës ndërmerr veprime për të vendosur sovranitet aty ku ka sovranitet
Sondazhi i ri - Vetëm Michelle Obama do të fitonte kundër Donald Trumpit nëse nuk kandidon Joe Biden
Ylli më i madh i Anglisë dhe katër lojtarë të tjerë kërcënohen me suspendim për ndeshjen gjysmëfinale
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Pas lirimit të Assange, Wikileaks publikoi një dokument sekret të inteligjencës izraelite
Njihuni me mashtruesin më të madh të futbollit: Man City, Liverpool, Chelsea, Man United dhe kapja e ish-gruas së Henryt
Euro 2024 një "minierë ari" - ku shkojnë paratë, sa fitojnë federatat, klubet, lojtarët dhe gjyqtarët
Tifozët e Real Madridit janë të shokuar se kush është futur në listën e legjendave të klubit
Hovenier: Shqetësohemi kur Qeveria e Kosovës ndërmerr veprime për të vendosur sovranitet aty ku ka sovranitet
Sondazhi i ri - Vetëm Michelle Obama do të fitonte kundër Donald Trumpit nëse nuk kandidon Joe Biden