Kush është Georgina Rodriguez – gjithçka që duhet të dini për të dashurën e Ronaldos

Cristiano Ronaldo e bën pjesën më të madhe të jetës së tij i monitoruar nga syri i publikut, mirëpo ai ka qëndruar relativisht sekret për lidhjet e tij romantike prej se u bë futbollist i famshëm.

Një nga lidhjet më të përfolura të tij ka qenë ajo me modelen ruse, Irina Shayk, me të cilën kaloi pesë vite, ndërsa u nda në janar të vitit 2015. Motra e futbollistit e kishte përshkruar si shumë të rëndë këtë ndarje, madje kishte thënë “si një vdekje”.

Superylli i Juventusit është lidhur me shumë femra që atëherë, por në vitin e kaluar u bë e ditur se spanjollja Georgina Rodriguez është zyrtarisht e dashura e portugezit.

Lexo po ashtu Lajmet për GEORGINAN

Prezenca e saj në shumë ceremoni të ndarjes së çmimeve, si ajo e FIFA-s, e konfirmoi lidhjen e tyre, ndërsa bukuroshja tashmë është pjesë e familjes së CR7 duke qenë nëna e vajzës së tij më të vogël.

Kush është Georgina Rodriguez

Sipas The Sun, Georgina ka origjinë nga qyteti Jaca, në verilindje të Spanjës. Ky qytet ka rreth 13.000 banorë dhe është në afërsi të kufirit me Francën, 450 kilometra larg Madridit.

Në qytetin e saj të lindjes kishte punuar si kameriere para se të vendosej në një familje në Bristol të Anglisë, si kujdestare fëmijësh. Ndërsa para se të njihej me Ronaldon ka punuar si shitëse në një dyqan të Guccit në Madrid.

https://www.instagram.com/p/BkU1h0yBqGM

Rodriguez është edhe valltare, mirëpo prej se është lidhur me Ronaldon dëshiron të ndjekë një karrierë si modele, pasi tashmë është bërë e famshme.

Si u takua me Ronaldon

Sipas thashethemeve, Cristiano e kishte parë bukuroshen për herë të parë në zonën VIP të një evenimenti të Dolce & Gabbana në Madrid, edhe pse nuk dihet saktësisht se si ka nisur lidhja ndërmjet tyre.

Që atëherë ka vazhduar romanca mes tyre, ndërsa në vitin e kaluar kishin nisur të fotografohen bashkë nga paparacit. Momenti kur lidhja e tyre u bë temë në media ishte nëntorin e kaluar kur ishte fotografuar në Disneyland Paris me paruke dhe me syze, për të mos u njohur.

https://www.instagram.com/p/BgO7mfIBmf1

Që atëherë, 24-vjeçarja është para rregullisht në tribuna gjatë ndeshjeve të Real Madridit, po ashtu edhe në ceremonitë e ndarjes së çmimeve, me futbollistin, nënën dhe djalin e tij.

E ardhmja me Ronaldon

Lidhja me Georginan është lidhja më serioze që ka pasur Ronaldo prej se u nda nga Irina. Për më shumë, Rodriguez është nëna e vajzës së vogël të portugezit që është fëmija i tyre i parë i përbashkët dhe i katërti i 32-vjeçarit.

https://www.instagram.com/p/Bk-w61TB7Om

Bukuroshja ka raporte shumë të mirë me djalin e madh të lojtarit, Cristiano Jr, si edhe me nënën e Ronaldos, Dolores. Identiteti i nënës biologjike të Cristiano Jr ka mbetur i fshehtë që nga lindja e tij, në vitin 2010 në Shtetet e Bashkuara të Amerikës.

Georgina është shumë e përfshirë në jetën e familjes së Ronaldos, sidomos me fëmijët e tij, me të cilët fotografohet rregullisht.

https://www.instagram.com/p/BWe6WDpB3ZD

Çifti nuk e ka fshehur dashurinë asnjëherë, ndërsa Rodriguez shpesh ka bërë edhe postime romantike për partnerin e saj.

Që nga transferimi i Ronaldos te Juventusi, është bërë e ditur se edhe e dashura e tij do të zhvendoset për të jetuar në Torino.

https://www.instagram.com/p/BlVGFmIhPYu

Lexo po ashtu Lajmet për RONALDON

Natyrisht se portugezi dëshiron më shumë fëmijë me të dashurën e tij në të ardhmen, ndërsa hapi më logjik i radhës duhet të jetë martesa e tyre. Sidoqoftë, duhet të presim dhe të shohim.

Pjesëmarrja e Georginas në ndeshjet e Ronaldos

Georgina është parë në shumë ndeshje të Real Madridit, zakonisht e ulur afër djalit të Ronaldos.

Ajo ka hyrë edhe në fushë për ta festuar triumfin e Cristianos në Ligën e Kampionëve.

Gjatë Kampionatit Botëror në Rusi, ajo ka qenë e pranishme në stadium gjatë ndeshjeve të Portugalisë duke bërë tifo për të dashurin e saj.

https://www.instagram.com/p/BkcmJVxBwig

Në ndeshjen e fundit grupore kundër Iranit, Georgina kishte publikuar një fotografi të sajën me fanellën e Ronaldos me numrin 7 me përshkrimin: “Jepi Cristiano. Të duam”. /Telegrafi/

https://www.instagram.com/p/BgTMMVshdgs/