Kurdisjet në futbollin e Kosovës, tani çdo ndeshje monitorohet nga pesë kompani të angazhuara nga UEFA

Jo rrallë herë është raportuar për ndeshje të kurdisura në futbollin vendor, që jo rrallë kanë vendosur edhe kampionate.

Një delegacioni i FFK-së, ka qenë në Nion të Zvicrës, ku është takuar me disa zyrtarë të UEFA-s.

Zyrtarët e UEFA-s e kanë njoftuar për shumë gjëra delegacionin nga Kosova, mbi të gjitha për kurdisjet e ndeshjeve në të gjitha kampionet vendore, por edhe te kombëtaret.

“Delegacioni në përbërje Arianit Ahmeti, zv.sekretar i përgjithshëm dhe drejtor i zyrës ligjore, Ejup Osmani, zyrtar për integritet, Besim Kelmendi, prokuror i shtetit dhe Bajram Shabani, kapiten i policisë, kanë marrë pjesë në Nion në takimin me zyrtarët e UEFA-s, Nicholaus Raudenski, Peaker Graham dhe Massimiliano Michenzi”.

“Gjatë këtij takimi u bisedua rreth rrjedhës së kampionatit, por edhe ndeshjeve të Kombëtares”.

“Me këtë rast zyrtarët e UEFA-s kanë dhënë edhe disa këshilla për delegacionin e FFK-së lidhur me paralajmërimet rreth trukimit të ndeshjeve dhe dukurive tjera negative në futboll”.

“Po ashtu, u bë e ditur se UEFA i ka angazhuar pesë kompani, të cilat bëjnë monitorimin e ndeshjeve dhe çdo parregullsi evidentohet të organet e saj”.

“Sa i përket Kosovës këto kompani monitorojnë të gjitha ndeshjet e IPKO Superligës, Ligës së Parë, ndeshjet e Digitalb Kupës së Kosovës si dhe ndeshjet e ekipit kombëtar”, thuhet në njoftimin e FFK-së. /Telegrafi/