Kumbulla shënon dhe ia siguron Romës tri pikët e para në Ligën e Evropës

Roma ka marrë një fitore të madhe në udhëtim te Young Boys Bern në ndeshjen e parë të Ligës së Evropës për edicionin e ri.

Skuadra italiane arriti të rikthejë rezultatin dhe të triumfojnë në Bern me rezultat 1-2.

Vendasit e nisën më mirë ndeshjen, kur në minutën e 14-të shënuan edhe golin e parë.

Jean Pierre Nsame realizoi nga pika e bardhë për t’i dhënë epërsinë vendasve 1-0.

Me epërsinë minimale të Young Boys, përfunduan 45 minutat e para të kësaj sfide.

Trajneri Fonseca vendosi që në pjesën e dytë t’i inkuadrojë në lojë edhe lojtarët si Dzeko, Mkhitaryan, Spinazzola e Veretout që edhe sollën ndryshimin.

Fillimisht në minutën e 69-të, Edin Dzeko asistoi bukur te Bruno Peres i cili shënoi për të barazuar shifrat në 1-1.

Pesë minuta më vonë Roma riktheu gjithçka në të mirë të sajën, kur mbrojtësi shqiptar, Marash Kumbulla shënoi me kokë pas asistimit nga Mkhitaryan për 1-2.

Deri në fund vendasit tentuan të barazonin shifrat, por Pau Lopez bëri disa ndërhyrje të mira për t’i dhuruar skuadrës së tij tri pikë.

Roma tani ndanë pozitën e parë në Grupin A së bashku me Cluj, teksa në xhiron e dytë luan në Olimpico përballë CSKA Sofjas. /Telegrafi/

Roma (+190 ML) ties the game 1-1 with a goal by Bruno Peres in the 69’#BarstoolSportsbook
pic.twitter.com/tkd94ifaXF

— Bet The Footy (@betthefooty) October 22, 2020