Kulla prej druri më e lartë në botë do të ndërtohet në Australi – dhe dallimi me atë që mban rekordin aktual është shumë i madh

Australia Perëndimore së shpejti mund të jetë shtëpia e ndërtesës më të lartë prej druri në botë, pasi autoritetet në Perth planifikojnë një kullë “hibride” 191.2 metra të lartë të ndërtuar duke përdorur lëndë druri masiv.

Sipas mediave të huaja, përcjell Telegrafi, autoritetet përkatëse miratuan propozimin e Grange Development për rrokaqiellin, i quajtur aktualisht ndërtesa C6, e cila do të ishte më shumë se dy herë më e lartë se mbajtësi aktual i rekordit.

Zhvilluesit thonë se 42% e kullës së propozuar do të ndërtohet nga druri, me shtyllat dhe bërthamën prej betoni të përforcuar.

Nëse përfundohet, ndërtesa e lartë do të tejkalojë ndërtesën “hibride” më të lartë në botë, kullën Ascent në Milwaukee, Wisconsin, e cila është e lartë 25 kate ose 86 metra.

Struktura e propozuar, e vendosur në Charles Street në South Perth, do të jetë gjithashtu më e lartë se një tjetër në Sydney, i cili është gati të marrë rekordin nga Ascent, por ende nuk është përfunduar.

Ashtu si Atlassian, kulla e propozuar C6 do të kombinojë trarët prej druri të laminuar me një ekzoskelet çeliku për të mbështetur strukturën.

Drejtori i Grange Development, James Dibble, në një deklaratë për shtyp ka thënë se “aspirata jonë me C6 është të zhvendosim fokusin drejt një qasjeje më të ndërgjegjshme për klimën.”

“Kjo është mundësia jonë për të deklaruar se ne me të vërtetë kujdesemi për krizën e strehimit para nesh dhe për krizën klimatike për të cilën po bëjmë shumë pak si industri”, shtoi ai. /Telegrafi/