Ku të shkoni gjatë vitit 2024? CNN vjen me një listë interesante, përmendet edhe Kosova

Në botë ka kaq shumë vende që ia vlen për t’i vizituar, por ka edhe kaq shumë njerëz të etur për t’i parë ato.

Në këtë drejtim, mediumi prestigjioz CNN ka bërë një shkrim, në të cilën ka theksuar faktin se turizmi ndërkombëtar arriti rreth 90% të niveleve para pandemisë në vitin 2023.

Dhe nëse keni vizituar ndonjë destinacion popullor gjatë verës, me siguri keni parë se ishte më i mbushur me njerëz se kurrë.

Andaj, në këtë drejtim, ky medium vlerëson se ndoshta është koha për të parë vendet që janë ende kryesisht të pazbuluara, ose joshëse, ose shpesh të anashkaluara për qytetet ose fqinjët e tyre më të mëdhenj.

Kështu, me këto gjëra në mendje, CNN Travel zgjodhi 24 vende për t’u marrë parasysh ndërsa bëni planet tuaja për vitin 2024.

Dhe çfarë bie në sy është fakti se aty nuk mungon Kosova, përcjell Telegrafi.

Lexo po ashtu ​CNN e rëndit Shqipërinë në 10 vendet kryesore për t’u vizituar gjatë këtij viti

Kjo për faktin se në një nga pjesët e shkrimit të CNN është përmendur Rruga e Ciklit Trans Dinarica, Ballkan.

Sipas shkrimit në fjalë, e nisur në vitin 2024, Rruga e Ciklit Trans Dinarica do të jetë rruga e parë dhe e vetme e biçikletave që do të lidhë të tetë vendet e Ballkanit Perëndimor.

Bëhet fjalë për shtegun me 100 faza që është projektuar për çiklistët dhe 4,000 kilometrat e tij përbëhen nga rrugë të qeta të asfaltuara, shtigje pyjore dhe shtigje biçikletash.

Kështu, ngasësit mund të shijojnë brigjet spektakolare të Shqipërisë dhe Kroacisë, parqet kombëtare të Kosovës, malet e thepisura të Malit të Zi dhe pyjet e harlisur dhe lumenjtë në të gjithë Slloveninë, Bosnjën dhe Hercegovinën, Maqedoninë e Veriut dhe Serbinë.

Ndryshe në listën e hartuar nga CNN përfshihen edhe vende si Sumba në Indonezi, bregdeti i Detit të Zi të Turqisë, Tartu në Estoni, Tainan në Tajvan, Koreja e Jugut, Shqipëria, Kili dhe Ishujt Abrolhos, Australia Perëndimore. /Telegrafi/