KShZ do ti ndryshojë metodologjitë për pastrimin e Listës zgjedhore, të mërkurën takim i radhës

KShZ do ti ndryshojë metodologjitë për pastrimin e Listës zgjedhore, të mërkurën takim i radhës

Siç ka bërë të ditur Telma, KShZ në mënyrë intensive punon rreth ndryshimit të metodologjive për pastrimin e Listës zgjedhore, transmeton Telegrafi Maqedoni.

Këtyre ditëve pritet t’ua dërgoj katër partive politike në shqyrtim, të cilët të mërkurën së bashku me mbikëqyrësit ndërkombëtar, sërish do të vijnë në KShZ në takim të grupit të posaçëm punues për Listën zgjedhore. KShZ duhet të vendos si të menaxhojë me 40 mijë regjistrime kontestuese. Prej tyre numri më i madh, rreth 18 mijë, janë persona të cilët kanë pranuar dokument biometrik por nuk kanë dorëzuar aplikacion te MPB, ose, nuk gjenden në asnjë bazë tjetër të dhënash përpos MPB.

Ka edhe dhjetëra arsye tjera për shkak të cilëve opozita thekson, ndërsa këtë e kanë pranuar edhe të tjerët nga grupi punues, se këto regjistra janë të dyshimta. Me siguri do të publikohen në ueb faqen e KShZ.

Komisioni do të organizojë edhe një fushatë përmes të cilës do ti thërret këto persona që në afat prej disa javësh të lajmërohen dhe ti korrigjojnë të dhënat kontestuese. Nëse nuk e bëjnë këtë do të shlyhen nga lista, ose siç thonë nga LSDM opozitare, nuk do të regjistrohen në Listën zgjedhore për zgjedhjet e ardhshme.

KShZ po ashtu është duke vendosur edhe për 172 qytetarë të cilët nuk jetojnë në vend për më tepër se tre muaj. BDI edhe në grupin e parë punues paralajmëroi se nuk do të lejoje fshirjen e votuesve nga Lista Zgjedhore me arsyetimin se nga 172.000 votues kontestues, më shumë se 100.000 janë shqiptar. Nga PDSh mbajnë qëndrimin se lista duhet pastruar./Telegrafi/