LAJMI I FUNDIT:

Kriza, ndërhyrja e shtetit shpëton grupin Fortis

Kriza, ndërhyrja e shtetit shpëton grupin Fortis

Tronditja financiare amerikane po përfshin edhe Evropën. Mesnatën e djeshme me një levizje që përfshiu shtetin belg, atë holandez dhe Luksemburgun, u shpetua grupi financiar Fortis duke e shtetëzuar.

Kërkesa për këtë levizje u bë nga presidenti i Bankës Qendrore Evropiane.

Sipas analistëve, ndërhyrja e tij është shenjë e shqetësimeve serioze për sistemin financiar të eurozones.

Pas këtij veprimi Fortis ka qetësuar menjëherë klientet e tij.


“Kemi arritur një marrëveshje me qeverinë që do të shpëtoje klientët dhe do të na ndihmojë të përballojmë krizën financiare”, ka deklaruar përfaqesuesi i grupit financiar, Filip Dierck.

Ndërsa zëdhënësi i KE ka vlerësuar ndërhyrjen shteterore në zgjidhjen e këtij problemi.

“Nderhyrja shtetërore përbën një zgjidhje për këtë problem pasi ndihmon direkt në sistemin financiar”, ka deklaruar Johnathan Tod.