Kosova ka shënuar sukses në kontrollin e armëve të vogla dhe të lehta

Ministria e Punëve të Brendshme ka prezantuar udhërrëfyesin për gjetjen e një zgjidhjeje të qëndrueshme për posedimin e paligjshëm, keqpërdorimin dhe trafikimin e Armëve të Vogla dhe të Lehta (AVL) në Ballkanin Perëndimor deri në  vitin 2025.

Kështu kanë bërë të ditur nga Zyrja për Informim e Ministrisë së Punëve të Brendshme (MPB).

Në këtë komunikatë thuhet se zëvendësministri i MPB-së, Izmi Zeka ka theksuar se mund të konstatohet se Republika e Kosovës gjatë 10 viteve të fundit ka arritur progres të  çmueshëm  në fushën e kontrollit të armëve të vogla dhe të lehta, dhe që nga viti 2008 është duke implementuar strategjia dhe plani i veprimit për AVL.

Ai tha se bazuar në deklaratën e përbashkët nga takimi i mbajtur në Podgoricë  për angazhimin për luftimin e trafikimit të paligjshëm të armëve dhe municionit në Ballkanin Perëndimor, Republika e Kosovës e ka bërë prioritet implementimin e këtyre obligimeve.

“Është krijuar një grup i punës për harmonizim të mëtejshëm të bazës ligjore nacionale për armë me BE-në. Kosova është  shembulli i parë në rajon që nëpër mbushje të planit të përbashkët të veprimit në mes vendeve të BE dhe Evropës Juglindore 2015-2019, ka  themeluar Pikën Kombëtare për Armë (FFP), cila është vendosur në Policinë e Kosovës dhe janë ndërmarrë një sërë nismash tjera”, theksoi Zeka.

Ai vuri në dukje se përveç rezultateve janë edhe shumë sfida dhe probleme të natyrave të ndryshme me të cilat ballafaqohemi dhe njëra nga sfidat kryesore në luftën e përbashkët dhe bashkëpunimin ndërkombëtar është edhe mos anëtarësimi i plotë i Kosovës në organizatat ndërkombëtare të sigurisë siç janë INTERPOL, EUROPOL, SELEC etj. /Telegrafi/