“Kontrabandistët na rrahën vetëm se kërkonim më shumë oriz dhe ujë”: Pamjet dhe rrëfimi i refugjatëve Rohingya, të grumbulluar në një anije peshkimi

Disa pamje që thuhet se janë marrë nga AFP tregojnë kontrabandistët që rrahin pa mëshirë refugjatët grumbulluar në një anije peshkimi.

Sipas Al Jazeera, përcjell Telegrafi, kontrabandistët rrahin pa mëshirë refugjatët e hollë të grumbulluar në një anije peshkimi, në një video të marrë nga agjencia e lajmeve AFP që tregon imazhe të rralla të rrjetit të trafikut Rohingya.

Pamjet e filmuara nga një celular i një kontrabanduesi i cili më vonë u arratis nga anija, tregojnë dhjetëra azilkërkues, përfshirë fëmijë, të ulur aty ndërsa kontrabandistët qëndrojnë mes tyre.

Më pas fillon një debat pas të cilit një nga trafikantët, duke mbajtur një litar të trashë në njërën dorë, shtyn një Rohingya mbrapa dhe e shkelmon.

AFP Graphic showing the routes taken by Rohingya Muslims who tried to escape from Myanmar and Bangladesh by boat pic.twitter.com/vulzBIVhx8

— AFP News Agency (@AFP) December 15, 2020

Ai pastaj përdor atë që duket të jetë një kamzhik me dorën tjetër për të goditur vazhdimisht një grup burrash pa këmisha që tentojnë për të shmangur rrahjen.

“Ata filluan të na rrihnin sepse ne ankoheshim për ushqimin”, ka thënë Mohammad Osman, një pasagjer 16-vjeçar, në një intervistë në një kamp refugjatësh në Bangladesh, të kryer si pjesë e një hetimi disa mujor të AFP në rrjetin e kontrabandës së njerëzve.

“Ata na rrahën vetëm sepse po kërkonim më shumë oriz dhe ujë”.

Fqinji i Osmanit, Enamul Hasan, 19 vjeç, i cili ishte gjithashtu në anije, tha se ai e kapi telefonin pasi një nga trafikantët e la atë kur iku në një anije tjetër gjatë asaj që ishte një kryengritje.

VIDEO: From the crowded camps of Bangladesh, Rohingya refugees take a dangerous and sometimes deadly trip by land and water as they try to reach Malaysia.

An @AFP investigation has pieced together the human trafficking network running the dangerous passage to a new life pic.twitter.com/yrJDzvPkKX

— AFP News Agency (@AFP) December 15, 2020

Pamjet u xhiruan disa ditë para se anija malajziane e grupit të kthehej në Bangladesh në mes të prillit, tha ai. Ajo ishte nisur në shkurt.

Madje, rrahjet e mëparshme, të cilat nuk ishin kapur në video, panë disa të vdisnin në duart e kontrabandistëve, tha Hasan për AFP në kampin e refugjatëve.

AFP thotë se nuk mund të verifikojë në mënyrë të pavarur të gjitha deklarimet e tyre, por një pasagjer i tretë i mbijetuar ndanë veçmas ngjarje të ngjashme.

AFP gjithashtu konfirmoi se Hasan dhe Osman ishin në pamjet video. Ata mund të shiheshin duke u grumbulluar midis grupit të burrave që po goditeshin.

Hasani përshkroi se si ekuipazhi, birmanë nga Mianmar, u larguan përfundimisht pasi disa nga udhëtarët filluan të rezistonin.

AFP EXCLUSIVE: Trafficking networks prey on Rohingya risking all for a new life.

At the world's biggest refugee camp, a complex human trafficking network involving high-seas extortion gangs, corrupt police and drug lords is targetting the most desperatehttps://t.co/5hFCfN0qOf pic.twitter.com/3FTB5gE27U

— AFP News Agency (@AFP) December 15, 2020

“… ne sulmuam ekuipazhin pasi nuk kishim asgjë për të humbur. Ishte një situatë jetë a vdekje… ne kërcënuam të vrisnim kontrabandistët nëse ata nuk do të na dërgonin në tokë”.

Ekuipazhi iu përgjigj “kryengritjes” duke kërcënuar se do t’i vinte flakën anijes, sipas Hasanit.

“Ata vazhdonin të thoshin se do të na digjnin të gjallë në mënyrë që të heshtim përsëri”, ka rrëfyer Hasan.

Një anije e vogël u shfaq disa ditë më vonë dhe të gjithë, përveç dy trafikantëve u larguan, shtoi ai.

“Ata dy trafikantë na thanë që të mos rebeloheshim, se do të na hidhnin atje ku mundeshin”, ka treguar tutje Hasan. “Disa ditë më vonë ata na lanë përsëri pranë Bangladeshit dhe ikën”. /Telegrafi/