Konfirmohet data e saktë se kur do të prezantohet Mbappe si lojtar i Real Madridit

Tashmë është caktuar data se kur do të bëhët zyrtarizimi i transferimit të Kylian Mbappe tek Real Madridi, teksa futbollisti francez po bëhet gati për aventurën e tij të re pas largimit nga Paris Saint-Germaini si lojtar i lirë.

Sipas gazetës spanjolle Marca, Mbappe do të zyrtarizohet si lojtar i Real Madridit të hënën më datë 3 qershor.

Francezi pritet që të mbërrijë në Spanjë javën e ardhshme për të nënshkruar kontratën me ‘Los Blancos’ para se të prezantohet zyrtarisht sipas stilit të tyre tradicional përballë gazetarëve dhe tifozëve.

Në një intervistë për Forbes, Mbappe kishte folur për të ardhmen e tij duke lënë të nënkuptohet se sa i lumtur është për kalimin tek Real Madridi.

🚨 BREAKING

❗️🇫🇷 Kylian Mbappé will be officially a Real Madrid player next Monday or Tuesday

🔹From sources close to the French national team, it is not expected that he leaves the gathering for a presentation in Madrid next Thursday

— Fabrice Hawkins (@FabriceHawkins) May 31, 2024

“Unë dua të jem i lumtur. Unë do të largohem nga shteti im për herë të parë. Do të jetë një eksperiencë e mrekullueshme dhe mezi po pres të jem me ekipin tim të ri”.

“Unë dua të fitojë trofe. Kur flisni për futboll, ka të bëjë me fitimin e trofeve dhe të jesh së bashku me bashkëlojtarët e rinj”, ka thënë Mbappe.

Real Madridi ka tentuar që ta transferojë Mbappen në ‘Santiago Bernabeu’ që nga viti 2017. Gjiganti spanjoll iu afrua blerjes së tij sezonin e kaluar, por francezi vendosi që të nënshkruajë një kontratë të re tek PSG-ja.

Mbappes do t’i bashkohet Real Madridit si lojtar i lirë pasi kontrata e tij në ‘Parc des Princes’ do të skadojë në qershor./Telegrafi/