Komuna e Junikut njofton për ndërprerje të përkohshme të qarkullimit në rrugën Junik–Moronicë për shkak të punimeve infrastrukturore

Komuna e Junikut ka njoftuar se sot, më 13 nëntor 2025, nga ora 08:00 deri në ora 12:00, do të ketë ndërprerje të përkohshme të qarkullimit në segmentin e rrugës Junik–Moronicë, për shkak të punimeve që po zhvillohen në kuadër të projektit “Përmirësimi i infrastrukturës lokale për rritjen e potencialit turistik në Komunën e Junikut”.

Sipas njoftimit, gjatë kësaj kohe do të realizohet procesi i betonimit të mureve mbajtëse përgjatë rrugës, i cili kërkon qasje të drejtpërdrejtë nga rruga kryesore.

Komuna ka kërkuar mirëkuptimin e qytetarëve për kufizimin e përkohshëm të qarkullimit, duke theksuar se këto punime janë pjesë e përpjekjeve për përmirësimin e infrastrukturës lokale dhe zhvillimin e mëtejshëm të potencialit turistik të zonës. /Telegrafi/