Sead Kolasinac ka thyer heshtjen duke bërë një postim së bashku me bashkëlojtarin e tij, Mesut Ozil.
Mbrojtësi boshnjak dhe bashkëlojtari i tij gjerman, Ozil, ishin cak i një tentim grabitje në Londër gjatë ditës së djeshme (e enjte).
Dy grabitës tentuan t'ia vidhnin Kolasinacit orën e dorës dhe pas tentimit të dëshpëruar tentuan vjedhjen e makinës së Ozilit.
Megjithatë, boshnjaku u tregua hero i madh duke u konfrontuar me hajdutët e armatosur me thika, deri në zbythjen e tyre.
Pa kaluar 24 orë nga ndodhia, Kolasinac ka thyer heshtjen në rrjetet sociale, duke treguar se janë mirë ai dhe Ozil.
"Mendoj se jemi mirë", ka shkruar Kolasinac në postimin e tij në Twitter.
Ndryshe, policia gjatë ditës ka konfirmuar se nuk kanë arrestuar ende askënd në lidhje me këtë rast, por kërkimet vazhdojnë. /Telegrafi/
https://twitter.com/seadk6/status/1154708968033411073
