Kokëdhimbje për Ancelottin para El Clasicos, mungojnë dy yje – i treti në dyshime

Pak orë para El Clasicos, është një shqetësim i vërtetë për Real Madridin, pasi Karim Benzema nuk ishte në gjendje të stërvitej me grupin të premten.

Pasi pësoi një goditje në këmbën e tij të djathtë pak para se të shënonte kundër Liverpoolit të mërkurën, sulmuesi francez nuk ishte në gjendje të stërvitej me shokët e tij në seancën e parafundit përpara ndeshjes të së dielës në Camp Nou.

Ndërsa grupi kryesor kryente ushtrime posedimi, kontrolli dhe taktike në fushë, para se të luante një mini-lojë, Benzema qëndroi brenda ambienteve për të bërë stërvitje individuale.

Lexo po ashtu Ancelotti ka paralajmëruar lojtarët e Real Madridi ditë më parë për Chelsean

Pavarësisht kësaj, pritet që ai të përpiqet t’ia dalë për ndeshjen kundër Barcelonës të dielën, që është shansi i fundit i madrilenëve për të mbajtur gjallë shpresat për titull.

“Duket sikur është vetëm një goditje e lehtë dhe ne mendojmë se ai do të kthehet për të dielën”, kështu e përshkroi Carlo Ancelotti situatën e sulmuesit.

Mungesat e konfirmuara të Real Madridit në El Clasico

Lexo po ashtu Dyshime të forta se shorti i Ligës së Kampionëve u manipulua

Janë dy lojtarë që janë përjashtuar tashmë nga El Clasico të dielën, pasi David Alaba është ende jashtë i lënduar ndërsa sulmuesi i ri Alvaro Rodriguez nuk mund të luajë për shkak të një pezullimi të pësuar me Castillan.

Kjo do të thotë se, nëse Benzema nuk mund të luajë, atëherë Rodrygo ka të ngjarë të jetë ai që do të zhvendoset në pozitën e sulmuesit qendror. /Telegrafi/