Klubet evropiane nuk e paguajnë çmimin e kërkuar nga PSG, Moura drejt kampionatit kinez

Lucas Moura është duke kaluar ditët e tij të fundit si futbollist i gjigantit francez Paris Saint Germain.

Hapësirat e pakta nga trajneri Unay Emery kanë bërë që braziliani të kërkoj largimin nga klubi parisien.

E interesim për të kanë shfaqur shumë skuadra të njohura evropiane, por vetëm kaq.

PSG i ka caktuar çmimin për skuadrat e interesuara për të dhe është 35 milionë euro.

Arsenal, Napoli, Roma, Inter, Manchester United, Nice, Nantes dhe Betis kanë bërë oferta më të vogla se shuma e kërkuar nga PSG.

Kjo ka bërë që skuadra franceze t’i refuzoj ofertat e tyre dhe të pres ende.

Gjatë ditës së sotme në klub ka ardhur oferta prej 35 milionë euro por jo nga një skuadër evropiane.

Është skuadra kineze Shandong Luneng e cila po e dëshiron transferimin e brazilianit.

Shandong i ka ofruar kontratë katër vjeçare Mouras me pagë vjetore prej 12 milionë euro në stinor.

25-vjeçari ka pranuar transferimin në Kinë dhe zyrtarizimi pritet të bëhet gjatë ditëve të ardhshme.

Tek Shandong aktivizohet edhe reprezentuesi italian Graziano Pelle. /Telegrafi/