Klori shkakton makthin më të madh: Shqetësimet që mund t’u ndikojnë në trup dhe në organizëm

Klori hidhet në pishina për dezinfektim dhe vret bakteret dhe viruset me shumë sukses, por mund të shkaktojë edhe probleme shëndetësore

Nuk ka asgjë më të këndshme në verë sesa freskimi në pishinë, por duhet të keni shumë kujdes, sepse ekspertët thonë se uji i klorur mund të shkaktojë probleme serioze shëndetësore.

Shkakton irritime të lëkurës

Klori në vetvete nuk është aq i dëmshëm, por kur përzihet me djersën, urinën, bakteret dhe vajrat e trupit, zhvillohet një reaksion kimik që mund të shkaktojë probleme.

Sa më e fortë të jetë era e klorit, aq më e rrezikshme bëhet pishina.

Përpara se të hyni në pishinë, rekomandohet që të bëni një dush tërësisht në mënyrë që të largoni grimin dhe preparatet e tjera kozmetike nga trupi juaj që shkaktojnë reaksione të padëshiruara që ndodhin në kontakt me klorin, transmeton Telegrafi.

Rrezik për sytë

Sytë e dikujt janë më të ndjeshëm, por praktika konfirmon rastet e acarimit të shpeshtë të syve të atyre që lahen nëse ka shumë klor në ujë. Përndryshe, nëse është shumë pak, në pishinë zhvillohen baktere që mund të shkaktojnë konjuktivit.

Flokët bëhen jeshile

Flokët e lyer biondë në pishinë mund të marrin një ton të gjelbër. Nëse kjo ju ndodh, mos u frikësoni – aplikoni pak domate të pure ose keçap në mënyrë të barabartë në flokët tuaj të lagur. Lëreni të veprojë për pesëmbëdhjetë minuta dhe shpëlajeni. Pigmenti i kuq duhet të neutralizojë ngjyrën e gjelbër.

Lexo po ashtu A keni përjetuar skuqje të lëkurës pasi keni notuar në pishinë? Ja gjithçka që duhet të dini

E than lëkurën

Klori jo vetëm që dëmton flokët, por edhe e than lëkurën. Prandaj, pas notit në pishinë dhe dushit më pas, sigurohuni që të aplikoni qumësht ose losion hidratues në trupin tuaj. Klori është gjithashtu i keq për nxirjen tuaj sepse mund të zbehë ngjyrën e errët që keni marrë në det.

Këshillë: Pas çdo noti në pishinë, dushi është i detyrueshëm! /Telegrafi/