Klopp u kërkon falje tifozëve të Liverpoolit dhe zbulon se çfarë e shpëtoi nga shkarkimi

Jurgen Klopp pranon se gjashtë trofetë e tij në Liverpool e kanë shpëtuar atë nga shkarkimi.

Gjermani i The Reds thotë se ai është ende një trajner elitar, por:

Paralajmëroi se ekipi i tij mund të mos arrijë më kurrë lartësitë e mëparshme.

Lexo po ashtu Klopp gëzon tifozët e Liverpoolit se edhe një transferim pritet të bëhet

Kërkoi falje për formën e tyre të dobët.

Fajësoi listën e gjatë të lëndimeve të Reds.

“Unë nuk u bëra një trajner i keq brenda natës. Kurrë nuk kam qenë aq i mirë sa njerëzit ndoshta thonë ose jo aq i keq sa disa njerëz mund të mendojnë”, ka thënë fillimisht Klopp.

Lexo po ashtu Klopp flet për pensionimin e tij dhe kur do të ndodhë

Ish-kampionët evropianë dhe Ligës Premier të Kloppit kanë humbur tetë ndeshje këtë sezon – dyfishi i shumës së sezonit të kaluar – dhe janë në vendin e nëntë, 21 pikë prapa liderit Arsenal.

Liverpool fitoi dy trofe të brendshëm sezonin e kaluar, u mposht për titull nga Manchester City dhe Liga e Kampionëve nga Real Madrid në finale.

Klopp shtoi: “Imagjinoni sikur të ishit këtu duke folur me një trajner tjetër të Liverpoolit sepse sezonin e kaluar ne kishim fituar të katër trofetë dhe unë i thashë: Shihemi më vonë”.

Lexo po ashtu Klopp zbulon nëse do të largohet nga Liverpooli në fund të sezonit

“Duhet të kesh shpatulla të gjera dhe thjesht ta marrësh atë. Është e vështirë, më vjen keq. Por, ne do ta bëjmë atë me gjithçka që kemi për të dalë nga kjo dhe të luajmë në një mënyrë që njerëzit mezi presin të shkojnë përsëri në stadium”.

“Deri më tani, ne nuk u kemi dhënë shumë tifozëve këtë sezon, por ne jemi ende në dy kompeticionet dhe nuk do të dorëzohemi në ligë”, ka vazhduar ai.

Liga e Kampionëve, Liga Premier, FA Cup, Carabao Cup, Superkupa e UEFA-s dhe Kupa e Botës për Klube për Klopp, kanë siguruar mbështetjen e pronarëve amerikanë të klubit.

Lexo po ashtu Klopp: Nuk mund të shpenzojmë para si të ishim në Monopoly

Dhe me Arsenalin, Manchester Unitedin dhe Neëcastle në rritje, 55-vjeçari tha: “Ajo që ndodhi në ligë me Cityn dhe ne në vitet e fundit ishte e jashtëzakonshme”.

“Arsenali është sensacional. Mikel Arteta po bën një punë të jashtëzakonshme. United është në një moment vërtet të mirë, çfarëdo që të ndodhë atje ata nuk do të ndalojnë së investuari dhe duke u përmirësuar”.

“Nëse City nuk e fiton ligën, Pep nuk do ta pranojë këtë lloj situate për disa vite. Ata do të shkojnë përsëri. Tottenham, Newcastle dhe Brighton po bëjnë shumë mirë”, ka potencuar më tej Klopp. /Telegrafi/