Klopp ka folur për mundësitë e transferimit të një mesfushori të ri te Liverpooli

Jurgen Klopp ka thënë se nuk ka gjasa që Liverpooli të kërkojë të zgjidhë problemet e tyre të lëndimeve duke u futur në tregun e transferimeve këtë muaj.

Reds aktualisht kanë një mori lëndimesh në ekip dhe vëmendja është kthyer në skuadrën e Klopp pas barazimit zhgënjyes me Fulhamin në fundjavën hapëse të sezonit në Ligën Premier.

Mesfusha, në veçanti, ka qenë subjekt i shumë debateve, me lojtarë si Thiago Alcantara, Alex Oxlade-Chamberlain dhe Curtis Jones, por Klopp ka përsëritur se Liverpool nuk do të detyrohet të bëjë një nënshkrim para mbylljes së afatit kalimtar.

Lexo po ashtu Liverpooli mendon të sfidojë Arsenalin për mesfushorin Tielemans

“Jam i kënaqur me forcën dhe cilësinë e skuadrës sime, por ne kemi lëndime. Tani është një pyetje se sa kohë do të mungojnë lojtarët”, ka thënë fillimisht Klopp në konferencë.

“Ka zgjidhje të ndryshme. Njëri është tregu i transferimeve, por kjo ka kuptim vetëm për lojtarin e duhur”.

We’re LIVE as the boss previews Monday’s @PremierLeague opener at Anfield against Crystal Palace 🎙#LIVCRY
https://t.co/T4ptr3gkuI

— Liverpool FC (@LFC) August 12, 2022

“Ne gjithmonë do ta kishim bërë këtë që nga dita e parë e afatit kalimtar. Vetëm në disa raste nuk është e mundur dhe në të tjera është jashtëzakonisht e vështirë. Prandaj nuk duhet të mendoni për këtë”.

“Të gjitha zgjidhjet e tjera janë brenda skuadrës. Tani kemi shumë lëndime, kjo është e qartë. Keita do të kthehet të hënën dhe Tsimikas do të stërvitet për herë të parë sot dhe kjo është situata”.

Lexo po ashtu Lojtarët më të mirë të dal nga akademia e Liverpoolit ndër vite: Nga Fowler te Gerrard, Carragher e Alexander-Arnold

“Unë i kuptoj pyetjet, por nëse do të kishte zgjidhje të duhur për ne, do ta kishim bërë tashmë. Ne nuk jemi kokëfortë. Njerëzit më thanë në fillim të sezonit se na mungon një lloj specifik mesfushori, nuk e kuptoja këtë sepse nëse kërkon gjëra specifike, gjithmonë diçka të mungon”.

“Nëse do të kishte lojtar të duhur, do ta kishim bërë, por nuk e shoh sepse kemi pasur shumë biseda tashmë”, përfundoi trajneri i Reds. /Telegrafi/