Klauzola e çuditshme në kontratën e Van der Vaart që i solli mbi një milion euro sa ishte te Real Betisi

Rafael van der Vaart kishte një klauzolë të çuditshme në kontratën e tij me Real Betis që do të thoshte se ai ishte paguar 114,429 euro për të mos veshur atlete të kuqe.

Ai ishte më i njohur për periudhat e tij në Real Madrid dhe Tottenham Hotspur, në këtë të fundit edhe ku shkëlqeu, pavarësisht se qëndroi për vetëm dy vjet.

Pasi u largua nga veriu i Londrës, ai u kthye në Hamburg dhe më pas në 2015 iu bashkua Real Betisit të sapo promovuar, për rikthimin e tyre në La Liga, në një transferim të lirë.

Lexo po ashtu Klauzolat janë tani "A,B,C"-ja e kontratave të lojtarëve - por ka edhe prej atyre që janë të çuditshme

Sigurisht që u konsiderua një fuqi e madhe në sulm për Los Verdiblancos në atë kohë, dhe holandezi nënshkroi një marrëveshje mjaft fitimprurëse.

Sipas theversed.com, mesfushori u ndalua të vishte atlete të kuqe dhe fitoi 14 pagesa të veçanta për zbatimin e rregullave që do të thotë se ai fitoi 1,602,006 euro në përgjithësi.

Raportimi shton se arsyeja për klauzolën ishte për shkak të rivalitetit të Betisit me Sevillan, të cilët janë të lidhur me ngjyrën, dhe për shkak se Van der Vaart shpesh ndryshonte ngjyrën e atleteve të tij, ata ndjenë nevojën për të përfshirë klauzolën. /Telegrafi/