Në një komunikatë të G20 shkruante se “shumica e anëtarëve e dënuan fuqishëm luftën në Ukrainë”.
Ndërsa shumica e vëzhguesve do të supozojnë se përdorimi i fjalës “shumica” synon në mënyrë specifike të përjashtojë aleatët e vjetër të Rusisë, Indinë dhe Kinën, ka shenja se dy fuqitë e mëdha mund të kenë filluar të distancohen nga pushtimi katastrofik i Vladimir Putinit.
Të dy vendet e kanë mbrojtur vazhdimisht Moskën ndërsa kanë shprehur shqetësimin për konfliktin, raporton skynews.
Megjithëse asnjëri nuk ka dal haptazi ndaj këtij qëndrimi, Xi Jinping lëshoi një kritikë në heshtje ndaj veprimeve të Rusisë.
Në një fjalim në samitin në Bali, lideri kinez pohoi se është kundër shfrytëzimit të ushqimit dhe energjisë si armë, komente që do të shihen gjerësisht si të drejtuara ndaj Kremlinit.
“Ne duhet të kundërshtojmë me vendosmëri politizimin dhe instrumentalizimin e problemeve të ushqimit dhe energjisë”, tha Xi.
Kjo erdhi pasi ministri i jashtëm i Kinës, Wang Yi, tha se Xi i tha presidentit amerikan Joe Biden në takimin e tyre mbrëmë se “armët bërthamore nuk duhet të përdoren dhe nuk duhet të zhvillohen luftëra bërthamore” – një vërejtje që shihet si një referencë ndaj kërcënimeve të përsëritura të Moskës rreth armëve bërthamore.
Ndërkohë, Financial Times citoi një zyrtar kinez të ketë kritikuar në mënyrë tërthorazi presidentin rus për dështimin e informimit të Pekinit rreth planeve për të pushtuar Ukrainën.
“Putini nuk i tha Xi-t të vërtetën”, tha zyrtari, i cili nuk ka dashur të identifikohet.
“Nëse ai do të na kishte thënë, ne nuk do të kishim qenë në një pozicion kaq të vështirë. Ne kishim më shumë se 6,000 shtetas kinezë që jetonin në Ukrainë dhe disa prej tyre vdiqën gjatë evakuimit [megjithëse] nuk mund ta bëjmë publike këtë”, shtoi ai.
Kryeministri i Indisë Narendra Modi përsëri nuk e dënoi Rusinë, por pasi tha në shtator se “epoka e sotme nuk është një epokë lufte”, ai sot deklaroi se “unë kam thënë vazhdimisht se ne duhet të gjejmë një mënyrë për t’u kthyer në rrugën e armëpushimit dhe diplomacisë në Ukrainë”.
Ndryshimet e dukshme delikate në gjuhën që përdoren nga Kina dhe India mund të sinjalizojnë ndryshime potencialisht jashtëzakonisht të rëndësishme në dinamikën gjeopolitike rreth konfliktit.
Një vendim nga njëri ose të dy vendet për t’u distancuar më haptazi nga Moska do të paraqiste probleme të mëdha për Rusinë – duke e lënë vendin pothuajse plotësisht të izoluar në skenën botërore, duke minuar fushatën ushtarake tashmë të rrethuar të Putinit – në një zhvillim që do të rriste presionin mbi lideri për të kërkuar një fund diplomatik të luftës. /Telegrafi/
Promo
Reklamo këtuLufta Prigozhin - Putin
Më shumëDeklarata e Putinit ku tregon se kë ai "preferon të fitojë zgjedhjet në SHBA" nxit reagimin nga Shtëpia e Bardhë
Debati Trump-Harris dhe disa nga pyetjet kyçe rreth tij
'Nostradamusi i presidencialeve' - historiani Allan Lichtman tregon se kush do të fitojë zgjedhjet e 2024 në SHBA
Çfarë tregonte harta dhe ‘plani i Netanyahu për Gazën’?
Pamje të papublikuara më parë që thuhet se tregojnë momentet pas vrasjes së John F Kennedyt
BE-ja ka ndryshuar rregullat për bagazhet e dorës - si do të ndikojë kjo tek udhëtarët?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"A u shit Yamal nga Barcelona te Betisi shkaku i krizës?", pamje që kanë lënë tifozët katalunas të shokuar
Me listën e të nominuarëve tashmë publike: Kush është favoriti për Topin e Artë
Liverpooli tashmë ka gjetur zëvendësuesin e Salah, luan te Real Madridi
“I harxhonte lekët me gra të tjera, veprova në gjaknxehtësi”, dëshmia në polici e 30-vjeçarit që vrau babanë në një fshat të Durrësit
Kush janë aleatët kryesorë të Donald Trump në Evropë?
HISTORIKE: Granit Xhaka nominohet për Topin e Artë