Kim Kardashian ngre dyshime për martesën e katërt mes një romance të fshehtë

Kim Kardashian ka ngritur dyshime mbi një martesë të mundshme për herë të katërt, duke theksuar se po mendon për unazën e saj të fejesës së ardhshme.

44-vjeçarja ndau këto detaje gjatë episodit të fundit të “The Kardashians”, ndërsa ndodhej në një dasmë në Indi me motrën e saj, Khloe.

Gjatë bisedës, ajo tha: “Pyes veten se cila do të jetë forma ime e ardhshme e unazës? Për herën time të fundit dhe të fundit”, shkruan DailyMail.

Megjithëse nuk është e qartë nëse ajo ka plane konkrete për martesë, kjo deklaratë ka ngjallur spekulime mes fansave të saj.

Lidhur me jetën e saj dashurore, Kim ka pranuar më parë se është duke u takuar fshehurazi me dikë, por nuk ka zbuluar identitetin e tij.

Një burim ka pohuar se ajo ka nisur një lidhje të re dhe këtë herë po e mban larg vëmendjes së mediave, duke zgjedhur dikë jashtë botës së famës.

Përveç jetës personale, Kardashian së fundmi u përfshi në një polemikë lidhur me ofertën e saj për të blerë Biblën e mbishkruar nga babai i saj, Robert Kardashian, nga pasuria e O.J. Simpson.

Megjithatë, oferta e saj prej 15,000 dollarësh (13,733 euro) u refuzua, pasi ankandi publik ishte një alternativë më e favorshme.

Ndërsa detajet mbi romancën e saj të re dhe planet e mundshme për martesë mbeten të paqarta, një gjë është e sigurt—Kim Kardashian vazhdon të mbetet në qendër të vëmendjes. /Telegrafi/