Këto janë trendet e veshjes për pranverën 2025

Pranvera e vitit 2025 sjell një freski të re në botën e modës, me trende që përfshijnë një përzierje të elementeve të kaluarës dhe të tashmes.

Ky sezon është një thirrje për të eksperimentuar me ngjyra, forma dhe stilime që shprehin individualitetin dhe kreativitetin.

Nga veshjet komode dhe moderne deri te ato elegante dhe të sofistikuara, pranvera 2025 premton të sjellë mundësi për të përmirësuar stilin personal dhe për të rikthyer energjinë e sezonit të ri.

Ky është një moment i përshtatshëm për të rifreskuar garderobën dhe për të përqafuar tendencat më të fundit që do të mbizotërojnë këtë vit.

Sipas revistës së njohur Elle këto janë trendët për këtë pranverë që do të jetë e vështirë t’i injoroni.

Ky është sezoni mini fundeve

Kjo pranverë do të mbizotërohet me veshjen e minifundeve, sipas pasarelave pranverë/verë 2025, ndaj bëhuni kreativ me stilin tuaj dhe kombinoni mikro fustanet tuaja me një xhaketë bluzë ose diçka pak më voluminoze gjatë sezonit kalimtar.

Veshjet me dantella

Veshjet me dantella gjithashtu do të jenë në trend.

Nga korsetet artistike te dantella e gjithanshme, ka shumë mundësi për ta inkorporuar këtë trend në stilin tuaj.

Një camisole klasik ose një fustan i gjatë janë gjithmonë një zgjedhje e sigurt, ndërsa një top korseti më i strukturuar është i përshtatshëm edhe për një natë të veçantë.

Veshjet me ngjyrat pastel

Në zyrat e ELLE, flitet se ngjyrat pastel janë ato që do të dominojnë këtë sezon

Jo, nuk po flasim për ato ngjyrat që përdoren për vezët e Pashkës, por për nuanca si blu të ftohta, rozë të butë ballet, të verdhë krem dhe jeshile pistacie.

Veshjet me print pikniku

Veshjet e këtij lloji do të jenë po ashtu trend i këtij sezoni.

Qofshin ato nuanca të buta jeshile, apo më të ftohta blu, ky print elegant i veshjes do të jetë kudo. /Telegrafi/