KEMM: Mediat nuk duhet të keqpërdoren për të bërë thirrje për radikalizëm

Këshilli për Etikë të Mediave në Maqedoni (KEMM) reagon me shqetësim të madh ndaj shpeshtimit të rasteve të keqpërdorimit të disa mediave, posaçërisht në aspekt të situatës së tanishme politike, për përhapje të shpekulimeve, propagandës dhe të pavërtetave, që do të mund të forconin tendosjet dhe të çojnë në trazira të mundshme në shoqëri, njofton Telegrafi Maqedoni.

Sipas KEMM-së, është shqetësuese manyra e informimit të mediave ku hasen raportime gazetareske të njëanshme dhe informacione që përmbajnë thirrje për mobilizim të qytetarëve në shërbim të mbrojtjes së interesave të partive të caktuara politike.

KEMM-ja rikujton se mediat nuk duhet të keqpërdoren për të bërë thirrje për bashkim të individëve dhe grupimeve për sjellje radikale dhe procese që shqetësojnë rendin de qetësinë publike.

KEMM-ja kërkon reagimin edhe të institucioneve tjera, përfshirë Agjencinë për shërbime mediale audio dhe audiovizuele, si edhe Prokurorinë Publike që të dënojnë gjuhën e urrejtjes dhe të nxitjes, si edhe në marrjen e hapave të patjetërsueshme sipas ligjit./Telegrafi/