Këlyshi ‘i shpëtoi jetën pronarit’ pasi përtypi gishtin e këmbës deri në kockë ndërsa ai ishte duke fjetur

Një qenush u lavdërua për shpëtimin e ‘jetës së pronarit’ të tij, pasi përtypi gishtin e këmbës deri në kockë ndërsa ai ishte duke fjetur.

David Lindsay e do qenin e tij, Harley, një bulldog; dhe ky shok i tij duket krejtësisht i padëmshëm, por gjithçka ndryshoi një herë kur Davidi po flinte.

Kur ai ishte duke bërë një sy gjumë në divan, qeni i tij vendosi të “godasë” në një zonë të papritur.

“Unë isha duke fjetur në divan kur gruaja ime hyri brenda dhe bërtiti: “Dave, qeni po të përtyp gishtin!”, kujtoi ai.

“Kelyshi im kishte përtypur mjaftueshëm gishtin e madh të këmbës! Ai u përtyp deri në kockë”.

Tani, shumica e njerëzve do të zgjoheshin nëse një qen do të fillonte të zhyste dhëmbët në këmbën tuaj, por Davidi nuk e vuri re këtë.

“Për shkak të gjithë kësaj, zbulova se këmba ime është mpirë plotësisht, nuk mund të ndjej asgjë”, shpjegoi David.

Babai i pesë fëmijëve, nga Britania e Madhe, nxitoi menjëherë në Spitalin Addenbrooke pasi u zgjua për të gjetur gishtin e këmbës në copa dhe iu vunë antibiotikë intravenozë për të ndaluar përhapjen e një infeksioni të shkaktuar nga kafshimi i qenit në kockën e tij.

Mjekët kryen gjithashtu skanime CT për gishtin e tij të thyer dhe zbuluan se Davidi nuk kishte një, por dy arterie të bllokuara – kjo është arsyeja pse ai nuk mund të ndjente asgjë.

Gjetjet nënkuptuan se e gjithë këmba e Davidit mund të kishte qenë në rrezik për të pasur nevojë për amputim nëse furnizimi me gjak nuk do të kthehej.

Kështu, në vend që të mërzitej nga qeni i tij që përtypte gishtin e këmbës deri në copa, Davidi ishte mirënjohës dhe e adhuronte Harley-n edhe më shumë për të. /Telegrafi/