Këtë vikend në futbollin kosovar po zhvillohen ndeshjet e 1/8 së finales në Digitalb Kupën e Kosovës.
Drita, Prishtina, Vëllaznimi dhe Ferizaj janë katër skuadrat e para që kanë siguruar plasmanin në çerekfinale të Kupës.
Ndërkohë ditën e sotme do të mësohen edhe katër çerekfinalistët e tjerë.
Interesant pritet të jetë në Klinë, ku skuadra pretendente për tu futur në Superligë, Dukagjini do të jetë nikoqir i Feronikelit.
Shorti deshi të kemi përballje të Superligës edhe ditën e sotme, ku Ballkani do të jetë mikpritës i Gjilanit.
‘Xhebrailat’, janë treguar tejet të suksesshëm në ballafaqim me gjilanasit ku këtë edicion në dy përballje kanë marrë dy fitore.
Edhe një përballje e Superligës do të zhvillohet në Mitrovicë, ku Trepça ’89 pret Flamurtarin.
Ndërkohë dueli i fundit i kësaj dite mbetet mes KF Kikës dhe KF Istogut. /Telegrafi/
