Kanadezja papritur merr rreth 20 mijë euro nga një person që nuk e dinte se ekzistonte

Një grua mori papritur rreth 20 mijë euro nga një person që nuk e kishte takuar kurrë në jetë. Madje, ajo nuk e dinte se ekzistonte. 

Kimmy Booth mori një letër befasuese përmes postës – në lidhje me një të panjohur me të njëjtin mbiemër.

Eileen Booth ishte 90-vjeçare kur vdiq në një shtëpi pleqsh dhe nuk kishte asnjë të afërm pasi nuk ishte e martuar. Për këtë arsye raportohet se nuk kishte shkruar testamentin.

Kjo do të thoshte se askush nuk do të kishte të drejtë për pasurinë e saj pasi që ajo nuk kishte pasardhës, raporton ladbible.

Megjithatë, falë kompanisë profesionale të gjenealogjisë së verifikimit “Finders International”, ata ishin në gjendje të gjurmonin të afërmit e saj.

Ata arritën ta gjenin familjen e vëllait të saj Ericut, i cili kishte shkuar të jetonte me bashkëshorten në shtetin kanadez në vitin 1956.

Dyshja sollën në jetë Kimmyn, e cila ‘mbeti pa tekst’ kur i thanë se i takojnë 20 mijë euro.

“Fillimisht, nuk dija çfarë të mendoja. Ishte një befasi e madhe kur zbulova se babai im i ndjerë kishte një motër dhe se ne kurrë nuk e kishim takuar apo dëgjuar për të – një pjesë të jetës nuk e zbardhi”, tha 60-vjeçarja.

Ajo tha se babai i saj vdiq 47 vjet më parë dhe se ajo nuk mbajti kurrë kontakte me familjen e tij në Angli.

Sipas Finder’s International, në listën e Bona Vacantia (ato me pasuri pa pronarë), janë rreth 6500 prona.

Anëtarët e familjes dhe trashëgimtarët kanë kohë 12 vjet që të transferojnë pasurinë pasi ajo të jetë raportuar e padeklaruar. Pasuritë duhet të kenë gjithashtu një vlerë minimale prej 700 eurove. /Telegrafi/