“Kam gjetur dashurinë e jetës sime”, Meri Shehu bën deklaratën e fortë në emision

Meri Shehu, një nga personazhet më të dashura të ekranit shqiptar, ka shkaktuar të qeshura dhe ka lëshuar disa batuta të mprehta gjatë emisionit “Top Arena” mbrëmjen e sotme.

Në një moment të papritur, ajo deklaroi se kishte gjetur dashurinë e jetës, një pohim që rezultoi të ishte vetëm një shaka e saj me bashkëprezantuesin, Kostën.

Gjatë emisionit, Meri tha: “Kam pasur një ditë që as unë s’do e mendoja që ishte kaq e mirë. Sot është hëna e re në gaforre. Mesa duket mua më kapi mirë.” Ky pohim i saj u shoqërua me një buzëqeshje të madhe, duke dhënë një ton pozitiv dhe energjik.

Kosta, duke përfituar nga momenti, ndërhyri duke thënë: “Kemi dhe lajm. Ta them unë lajmin?” Ky ishte momenti kur Meri vendosi të bëjë një shaka të vogël.

“Bëra shaka unë me Kostën. Më tha pse je kaq e gëzuar. I thashë që përfundimisht kam gjetur dashurinë e jetës time. Vetëm gallatë”, tha ajo, duke shtuar edhe më shumë humor në studio.

Batutat dhe energjia pozitive e Meri Shehut janë një nga arsyet pse publiku e do dhe ndjek rregullisht. Ajo di si të sjellë buzëqeshje dhe të krijojë një atmosferë të ngrohtë dhe miqësore, duke bërë që çdo episod i “Top Arena” të jetë një kënaqësi për shikuesit. /Telegrafi/