Instituti Hidrometeorologjik i Kosovës ka bërë të ditur se në Kosovë tanimë ka ndryshuar situata meteorologjike.
Siç thuhet në njoftimin e IHMK-së, fushat me presion të lartë që ishin prezent mbi vendin tonë dalë nga dalë po dobësohen, kështu që priten ndryshime të elementeve dhe dukurive meteorologjike.
Në këtë drejtim, bën të ditur IHMK, për dy ditët në vazhdim “do të mbajë mot i vranët dhe me intervale me diell”.
“Vranësirat do të fuqizohen duke krijuar kushte për reshje shiu dhe shkarkime rrufesh. Temperaturat minimale do të lëvizin ndërmjet 11-13 gradë Celsius, ndërsa maksimalet e ditës parashihen të lëvizin ndërmjet 24-29 gradë Celsius. Do të fryjë erë kryesisht nga veriperëndimi me shpejtësi 1-11 m/s”, thuhet më tej në njoftimin e IHMK-së. /Telegrafi/
