Juventusi zgjedh Icardin si partnerin ideal të Ronaldos, por duhet të sakrifikojë një futbollist për argjentinasin

Juventusi e ka gjetur sulmuesin që do të jetë partner i Ronaldos për edicionin e ardhshëm.

Fjala është për argjentinasin Mauro Icardi i cili aktualisht është i huazuar tek Paris Saint Germain.

PSG ka mundësinë e blerjes së lojtarit për 70 milionë euro, por nëse do t’ia shesin një skuadre italiane në të ardhmen atëherë i detyrohet edhe 15 milionë euro të tjera Interit.

Kësisoj PSG do ta lejonte largimin e Icardit nga Parc de Princes vetëm për shumën prej 85 milionë eurove.

Zonja e Vjetër në anën tjetër ka hartuar një plan, pasi synon që t’i ofrojë 40 milionë euro për Icardin dhe t’i ofrojë njërin nga dy yjet Alex Sandro ose Douglas Costa.

Të dy lojtarët pëlqehen shumë nga PSG dhe kjo marrëveshje mes palëve duket afër.

Sipas medieve franceze PSG do të kërkojë nga Juventusi që në ofertën për Icardin ta përfshijnë mbrojtësin e majtë brazilian Alex Sandro.

Anësori vlerësohet 45 milionë euro dhe ai plus 40 milionë euro të tjera do të mjaftonin që Juve ta marrë Icardin. /Telegrafi/