Juventusi do ta rivalizojë deri në fund Real Madridin dhe Manchester Cityn për Nicolo Zaniolon

Nëse Roma nuk arrin të futet në Ligën e Kampionëve, një shumë e konsiderueshme e parave do të iknin nga duart e tyre.

Kjo do të thotë se disa nga yjet që bëjnë para mund të shiten për ta mbuluar këtë boshllëk financiar dhe ketë e ka pranuar edhe trajneri Claudio Ranieri.

“Nëse nuk arrijmë të renditemi në zonën e Ligës së Kampionëve, strategjia e skuadrës do të ndryshojë tërësisht dhe shumë prej nesh do të na duhet të largohemi”, kishte thënë Ranieri pas ndeshjes me Spalin.

Nicolo Zaniolo do të jetë ndër të parët në listën e futbollistëve që do të largohen nga kryeqyteti italian.

Për mesfushorin, i cili po shkëlqen në këtë sezon, ka shfaqur një interes të jashtëzakonshëm Juventusi.

Lexo po ashtu Roma pret ofertat e Cityt e Realit për Zaniolon

Drejtorin Sportiv i Juves, Fabio Paratici, që është gati t’u ofrojë romaëve plot 60 milionë euro për kartonin e tij.

Për mesfushorin 19-vjeçar kanë shfaqur interes të fortë edhe Real Madridi e Manchester City, por favoritë janë pikërisht bardhezinjtë.

Kjo pasi Zaniolo preferon të mbetet në kampionatin italian, të paktën edhe për 2-3 sezone të tjera. /Telegrafi/