Juventusi pret ofertën e përmirësuar të Bayernit për De Ligt, sfidon Interin për Bremer

Juventusi është në pritje të një oferte të përmirësuar nga Bayern Munich për Matthijs de Ligt dhe është gati për një ‘Derby d’Italia’ me Interin në afatin kalimtar për Gleison Bremer të Torinos.

De Ligt ka një kontratë deri në qershor 2024, por ka rënë dakord për kushtet personale me bavarezët, të cilët tani janë në bisedime me Juventusin.

Gjigantët e Serie A kanë refuzuar një ofertë fillestare prej 60 milionë euro plus bonuse nga Gjermania dhe po kërkojnë një shitje rreth 90-100 milionë euro.

Lexo po ashtu Bayerni shumë larg nga ajo çfarë kërkon Juventusi për De Ligt - dalin detajet

Sipas gazetave italiane Tuttosport dhe Il Corriere dello Sport, Bianconerët presin një ofertë të re nga Bayern Munichu deri në fundjavë.

Drejtori i Bavarezëve, Hasan Salihamidzic, ishte në Torino të hënën dhe tha se është ‘gjithmonë optimist’ kur u pyet për një fund pozitiv të negociatave me Juventusin.

Bremer është një nga objektivat kryesore të Juventusit për pasues të De Ligt, së bashku me Gabriel Megahales të Arsenalit.

Lexo po ashtu Dështuan me Koulibalyn, por Juventusi lidhet me gjashtë emra të njohur për ta pasuar Chiellinin

Tuttosport dhe Corriere pretendojnë se bardhezinjtë do të sfidojnë Interin për Bremer menjëherë nëse De Ligt fluturon për në Gjermani.

Mbrojtësi brazilian mund të largohet nga klubi Granata për rreth 40 milionë euro, një tarifë që Juventusi mund ta paguajë nëse largohet mbrojtësi holandez.

Interi thuhet se ka marrëveshje personale me Bremer, por nuk mund ta transferojë pa u larguar Milan Skriniar te Paris Saint-Germain. /Telegrafi/