Juventusi nuk do t’i përfshin tre lojtarë në listën e Ligës së Kampionëve, dy prej tyre ishin startues sezonin e kaluar

Ai ende nuk e di se ku do të luajë në sezonin e ri futbollistik. Sulmuesi kroat është anashkaluar te Juventusi që nga ardhja e trajnerit Maurizio Sarri dhe mund të largohet, por ka dështuar të transferohet te Manchester United dhe Bayern Munichu.

Sky Sport pretendon se kampionët italian nuk mbështeten te sulmuesi kroat dhe se ai është ndër tre lojtarët që janë të tepërt në listën e Ligës së Kampionëve.

Kampioni italian ka tre lojtarë më shumë sesa mund të regjistrohen në garën më të fortë të klubeve dhe, me Mandzukicin, Blaise Matuidin dhe Daniele Ruganin raportohet se do të largohen deri në fund të këtij muaji.

Por, në rast të kundërt, nëse nuk gjejnë angazhim të ri, treshja e lojtarëve nuk do të përfshihen së paku në këtë garë evropiane.

TuttoJuve raporton se për 33-vjeçarin kroat tanimë kanë shfaqur interesim edhe Monaco, por ai nuk është zgjedhja e parë e klubit të Principatës pasi që po e kërkojnë sulmuesin Mariano Diaz të Real Madridit.

Ndryshe, Bayern Munich ishte raportuar se dëshiron ta rikthejë sulmuesin, por vështirë se do të realizohet ky transferim. /Telegrafi/