Juventusi në avantazh ndaj Liverpoolit për Koopmeiners

Juventusi do me çdo kusht ta mposht Liverpoolin për Teun Koopmeiners në këtë verë dhe ka bërë një hap kyç përpara në garën për yllin e Atalantas.

Mesfushori holandez 26-vjeçar është kthyer në një nga lojtarët më emocionues në Serie A nën drejtimin e Gian Piero Gasperini dhe është gati të bëjë kalimin në një klub të madh gjatë verës, pasi së fundmi u tha mediave se ai tashmë ia ka bërë të qartë këtë gjë klubit aktual.

Drejtori sportiv i Juventusit, Cristiano Giuntoli tashmë ka filluar të planifikojë lëvizjet për afatin kalimtar të verës dhe Koopmeiners është një nga objektivat kryesore për Zonjën e Vjetër.

Siç raportohet nga Tuttosport, Juventusi ka bërë një hap përpara Liverpoolit në negociatat për Koopmeiners, duke i dhënë atyre një avantazh të lehtë në garën për lojtarin e Atalantës.

Holandezi 26-vjeçar thuhet se i ka thënë agjentit të tij Bart Baving që të gjejë një marrëveshje me Zonjën e Vjetër dhe të dy palët kanë gjetur gjuhën e përbashkët me një pagë prej rreth 4.5 milionë euro neto në sezon.

Juventusi tani duhet të gjejë një mënyrë për të arritur një marrëveshje me Atalantën, e cila vlerëson Koopmeiners jo më pak se 60 milionë euro, një shumë e madhe për një Bianconerët.

Lexo po ashtu Juventus shpreson se do të fitojë garën me dy gjigantët anglezë për top yllin e Atalantas

Këtë sezon, mesfushori 26-vjeçar ka shënuar 12 gola dhe ka dhënë katër asistime në 34 paraqitje gjithsej./Telegrafi/