Juventusi dhe Milani projektojnë shkëmbimin Bernardeschi-Romagnoli

Dy klubet e mëdha italiane, Juventusi dhe Milani mund të shkëmbejnë mes vete anësorin Federico Bernardeschi me mbrojtësin Alessio Romagnoli.

Të dy lojtarët kanë luftuar për të fituar zemrat e tifozëve këtë sezon dhe kontratat e tyre janë afër fundit, pasi do të skadojnë në qershor të vitit 2022.

Sipas mediumit Goal.com, Juventusi dhe Milani po konsiderojnë një shkëmbim të drejtpërdrejtë mes shërbimeve të dy lojtarëve.

Entrambi andranno in scadenza nel 2022 🔜❌

Juve e Milan riflettono sullo scambio Bernardeschi-Romagnoli [✍ @romeoagresti e @SimoneGambino]https://t.co/bckrcmVD22

— GOAL Italia (@GoalItalia) April 6, 2021

Romagnoli ka humbur vendin e tij të titullarit ndaj Fikayo Tomori, pavarësisht se ishte kapiten i skuadrës së Rossonerëve, dhe konsiderohet shumë i ngadaltë për të punuar në formacionin 4-2-3-1 të Stefano Piolit.

Nga ana tjetër, Bernardeschi është përdorur kudo nga një anësor në një ‘trequartista’, një 9 fals, një mesfushor qendror dhe madje kohëve të fundit edhe një mbrojtës krahu te Juventusi.

Nëse ai do të shkonte te Milani, do të kishte më shumë një rol të rregullt në pozicionet e përshtatshme për të, si pjesë e treshes që mbështet qendërsulmuesin.

Kjo nuk është hera e parë që të dy klubet lidhen me këta lojtarë, pasi një shkëmbim i mundshëm ishte diskutuar tashmë sezonin e kaluar.

Kjo është gjithashtu ndoshta sepse ata të dy përfaqësohen nga i njëjti agjent, i njohuri Mino Raiola. /Telegrafi/