Justin Timberlake flet për djalin e tij, Silas dhe për rëndësinë e edukimit të tij ndaj racizmit

Justin Timberlake në Ditën Ndërkombëtare të Babait është hapur për lidhjen që ka me të birin e tij, Silas dhe gjërat që i ka mësuar përgjatë kësaj kohe.

Ndërsa ai ndau disa foto të rralla të të birit, superylli i muzikës pop gjithashtu tregoi edhe për përgjegjësinë që prindërit kanë në edukimin e fëmijëve duke filluar nga gabimet që bëhen përfshirë këtu edhe racizmin dhe barazinë.

“Djemtë rriten për t’u bërë baballarë. Unë mendoj për kaq shumë këto ditë”, ka thënë ai mes marshimeve që janë bërë këta muaj për afro-amerikanin George Floyd.

“Ne përpiqemi të mësojmë djalin tonë që t’i dojë dhe respektojë të gjithë – ne i mësojmë atij që të gjithë njerëzit janë krijuar të barabartë dhe askush nuk duhet të trajtohet ndryshe për shkak të ngjyrës apo lëkurës”, vazhdon krijuesi i hitit “Cry Me A River”.

Është e qartë që Timberlake mori një kohë të gjatë për të reflektuar mbi përgjegjësinë e tij si prind për ta bërë botën një vend më të mirë për të gjithë.

“Ne e mësojmë atë sepse një ditë ai do të vazhdojë t’i mësojë fëmijët e tij për të njëjtat gjëra. Është një proces që përsëritet”.

Ylli i “Justified” ka qenë i zëshëm këtë kohë duke shprehur zemërimin e tij për vrasjen e fundit të afrikano-amerikanit në duart e policisë.

“Dhe tani, pasi ne të gjithë punojmë për t’i ndryshuar gjeneratat e reja që kanë pllakosur sistemin tonë dhe komunitetet tona në të gjithë këtë vend … Unë kujtoj sot që mësimet e para fillojnë në shtëpi”, shton më tej Timberlake.

Ai vazhdoi të tregojë se sa mirënjohës është që ka pasur dy baballarë dhe një nënë që ia kanë mësuar të gjitha gjërat e duhura. /Telegrafi/