Jurgen Klopp ka zbuluar se cilin nga ish-lojtarët e Liverpoolit do ta rikthente në këtë kohë në Anfield.
Trajneri gjerman nuk e ka pasur të vështirë të zgjedh, pasi ka zgjedhur kapitenin legjendar të The Reds, Steven Gerrard.
Ish-mesfushori i The Reds u largua në vitin 2015 nga Liverpooli për të kaluar edhe dy vite të tjera te Los Angeles Galaxy.
Gerrard momentalisht është trajner i gjiganti skocez Glasgow Rangers, teksa ka raporte shumë të mira me Jurgen Klopp.
“Stevien do ta riktheja. Kjo është shumë e thjeshtë, por ai do të duhej të luftonte për pozitën e tij”, deklaroi Klopp duke qeshur.
Gjermani ka thënë se gjatë kësaj kohe sa ka ndaluar futbolli e ka takuar shumë shpesh legjendën angleze, pasi jetojnë në një lagje.
“Që kur jemi izoluar e kam takuar gjashtë apo shtatë herë Gerrardin, pasi më parë nuk ndodhte kështu”.
“Unë zakonisht dal për ta shëtitur nëpër lagje qenin tim, teksa Stevie është duke ecur me familjen e tij dhe bisedojmë”, u shpreh Klopp.
Liverpooli po pret rikthimin e Ligës Premier, pasi i duhen edhe gjashtë pikë për ta siguruar matematikisht titullin e kampionit. /Telegrafi/
