Jose Mourinho identifikon top yllin e Barcelonës si transferimin e tij të parë tek Fenerbahce

Ish-trajneri i Real Madridit dhe Chelseat, Jose Mourinho, është në bisedime të avancuara për t’u bërë trajneri i ri i gjigantit turk Fenerbahce. Tani duket se tekniku portugez dëshiron t’i “rrëmbejë” Barcelonës një lojtar këtë verë.

Teksa kalimi i tij tek Fenerbahce është i pashmangshëm, spekulimet në lidhje me atë se kë dëshiron trajneri ikonik ta transferojë tek ekipi turk janë rritur shumë.

Tani, gazeta katalanase SPORT ka raportuar se Mourinho ka vënë fokusin e tij tek super ylli i Barcelonës, Robert Lewandowski, sapo të njoftohet zyrtarisht në stolin e Fenerbahces.

Për më shumë, është raportuar se presidenti i klubit Ali Koc e ka aprovuar kërkesën e Mourinhos, ani pse ai e ka bërë të qartë se do të jetë shumë e vështirë që ta kompletojnë këtë transferim.

Lexo po ashtu Jose Mourinho “thyen heshtjen” pas raportimeve se do bëhet trajner i Fenerbahces

Para se gjithash, Lewandowski kohë më parë e kishte bërë të qartë se ai nuk po synon që të largohet nga Barcelona në verë.

35-vjeçari është lidhur me një sërë klubesh, kryesisht për shkak të pagës së tij të lartë që pritet të rritet deri në 32 milionë euro sezonin e ardhshëm.

Xavi Hernandez besohej se kishte kërkuar largimin e polakut nga klubi pasi nevojitej një ndryshim në fazën e sulmit.

Megjithatë, me ardhjen e Hansi Flick, Lewandowski pritet që të ketë një rol më të rëndësishëm në ekip dhe kësisoji transferimi i tij në Turqi është pothuajse i pamundur./Telegrafi/