Jorginho, zëvendësues i Emre Canit te Liverpooli?

Mediat angleze raportojnë se mesfushori i Napolit, Jorginho është objektivi i Liverpoolit gjatë verës për të zëvendësuar Emre Canin, i cili pritet të largohet.

Mesfushori gjerman, Can do të mbetet pa kontratë në qershorin e 2018 dhe nuk pritet të rinovojë atë me Liverpoolin.

Kështu, Redsat janë në kërkim për ndonjë emër të ri për ta zëvendësuar gjermanin dhe si duket e kanë gjetur profilin e kërkuar.

Lexo po ashtu Juventusi nuk dorëzohet, e do Canin si zëvendësues për Khediran

Sipas mediumeve The Sun dhe The Times, trajneri i Liverpoolit, Jurgen Klopp, e ka gjetur Jorginhon si “zëvendësim ideal” për Canin, i cili duket se është afër për t’iu bashkuar Juventusit.

Megjithatë, mbetet për t’u parë nëse Napoli do ta lërë Italo-brazilianin të largohet, pasi ai luan një rol kyç në formacionin e Maurizio Sarrin.

Për më tepër, The Times paralajmëron Redsat se ata gjithashtu do të përballen me konkurrencë të fortë nga skuadrat tjera.

Lexo po ashtu Man Unitedi vëzhgon Jorginhon e Napolit

Ky medium thekson se konkurrenca për Jorginhon vjen nga dy skuadrat e mëdha të Ligës Premier, Manchester City dhe Manchester United.

Megjithatë, Napoli në rast shitje do të fitonte një fitim të konsiderueshëm pasi e kanë blerë te Verona për vetëm 9.5 milionë euro në vitin 2013, ndërsa lojtari ka ende dy vjet e gjysmë të mbetura në kontratën e tij dhe çmimi mendohet të jetë rreth 40 milionë euro. /Telegrafi/