Johnson: Sancho do ta ketë të vështirë ta refuzojë Liverpoolin

Ish-futbollisti i Liverpoolit, Glen Johnson, e ka këshilluar Jadon Sanchon që t’i zgjedhë Redsat para Manchester Unitedit e Chelseat, nëse merr ofertë nga klubet e Ligës Premier në fatin e ardhshëm kalimtar.

Anësori i Borussia Dortmundit është duke u kërkuar nga klubet angleze, të cilët janë në vënë në garë për shërbimet e tij.

Djajtë e Kuq, Blutë dhe Liverpooli konsiderohen favoritë për transferimin e 20-vjeçarit, vlera e të cilit është rreth 100 milionë funte (112 milionë euro).

Në një prononcim për Betdaq, Johnson ka thënë se Jurgen Klopp duhet ta shtojë futbollistin anglez në fazën e sulmit, ku bëjnë pjesë edhe Mohamed Salah, Sadio Mane e Roberto Firmino.

“Sancho është lidhur me thuajse të gjithë top-klubet evropiane, por sipas këndvështrimit tim, ai do ta jetë shumë të vështirë ta refuzojë Liverpoolin nëse do të ketë ofertë”.

“E di saktësisht çfarë do të thotë ta veshësh atë fanellë, ndërsa për çdo futbollit të ri anglez, është ëndërr që të luajë në Anfield”.

“Nëse ai dëshiron të luajë në Angli, asnjë klub nuk mund t’ia ofrojë suksesin që po e shijon aktualisht Liverpooli”, ka deklaruar Johnson. /Telegrafi/