John Cena ndahet nga partnerja vetëm disa javë para martesës

John Cena dhe Nikki Bella i kanë dhënë fund lidhjes së tyre afatgjate. Çifti që ka qenë bashkë për gjashtë vite, ka publikuar një njoftim të përbashkët në lidhje me ndarjen.

“Derisa ky vendim ka qenë i vështirë, në vazhdojmë të kemi shumë dashuri dhe respekt për njëri-tjetrin”.

“Kërkojmë nga ju që ta respektoni privatësinë tonë gjatë kësaj periudhe të jetës sonë”, thuhet mes tjerash në njoftimin e tyre.

Lexo po ashtu Të gjitha lajmet për John Cena

Cena dhe Bella e kishin caktuar datën 5 maj si ditën e martesës së tyre, por e kanë përfunduar lidhjen vetëm disa javë para dasmës.

40-vjeçari e ka shpërndarë një fotografi të një zemre të thyer dhe një thënie të Walt Whitman: “Ishim bashkë. Harroj pjesën tjetër”.

https://www.instagram.com/p/BhjOoBIAzXt

Ndarja vjen një vit pasi ata e festuan fejesën e tyre në ‘Wrestlemania 33’. Gjatë gjithë kohës, Cena është dukur i lumtur pranë partneres së tij 34-vjeçare, ndërsa arsyeja kryesore për ndarjen e tyre besohet të ketë qenë mosdëshira e yllit të WWE për të pasur fëmijë.

https://www.instagram.com/p/BhluzvhANZU

Edhe pse Cena gjatë gjithë kohës e ka bërë të qartë se nuk dëshiron të ketë fëmijë, Nikki ka shpresuar gjatë gjithë kohës se do ta bindte atë për të ndërruar mendje. Por, kjo duket se nuk ka ndodhur. /Telegrafi/